Некои велат дека далечината ја зацврстува љубовта, а пак други велат: „далеку од очи, далеку од срце“. Но што ако раздвоеноста потрае подолго време?

Како да одржите врска ако сте принудени да бидете раздвоени? Ако раздвоеноста нема да треа долго време и ако со тоа двајцата се сложувате, секогаш можете да поразговарате за начините како да останете во контакт. Но кога се работи за навистина долг период на раздвоеност, многу парови однапред претпоставуваат дека врската нема да преживее.


Различни погледи на далечината
Како паровите се однесуваат спрема врската на далечина зависи од тоа што чувствуваат еден спрема друг. Еве неколку примери:
Во што е проблемот - ако сте пораснале во семејство во кое сте навикнале на отсуство на некои од членовите, веројатно периодот на раздвоеност нема да ви претставува голем проблем.
На работ на очајот - можеби во минатото некој ве оставил и ви кажал дека ќе се врати брзо, но никогаш не се вратил. Веројатно тогаш овој период ќе го доживеете како крај на вашата врска.
Ако ме сакаш, остануваш - љубовта се поврзува со физичката близина. Било какво нарушување на тоа ја нарушува и вашата емоционална сигурност.
Не толку долго - Можеби по природа сте личност која на животот гледа во целост. Можеби раздвоеноста не ви изгледа толку страшна како на вашиот патнер затоа што на неа гледате како на привремена фаза во вашата долга врска.
Не е фер - ако вашите родители биле секогаш заедно, тогаш отсуството на пратнерот за вас е големо искуство. Да бидеш пар, за тебе значи да бидеш заедно со некој. Воопшто не можете да замислите друга ситуација.
Без разлика на вашето лично толкување на раздвоеноста, најверојатно ќе имате различна перспектива за неа, во зависнот дали вие сте тој кој оди или тој кој останува. Во секој случај постојат предности и недостатоци.


Далеку од дома
Ако вие сте тој кој оди далеку од дома, тогаш сте во предност поради новото искуство кое вас ве очекува. Нова околина, нова работа (училиште) и секако нови личности. Но недостатоци се тоа што вас ќе ви недостасува домот, друштвото, пријателите и семејството.
И иако пред вас се многу нови искуства, ќе осетите некоја осаменост без партнерот. Луѓето далеку од дома обично се растргнати помеѓу возбудливоста на новото и длабоките воздишки за дома.


Оставени дома
Ако сте вие тој кој е оставен дома тогаш сте во предност затоа што останувате со семејството. Но и покрај тоа вие може да се чувствувате осамено и напуштено. На вас остануваат вообичаените дневни работи за правење и самотијата со која мора да се справите - сами.


Како да успее?
Клучот на успехот на врска на далечина е разговорот. Тој треба да биде искрен и отворен. Треба да изкажете како се чувствувате. Паровите обично паѓаат на овие замки:
Се претвараат дека се е во ред - кога разговараат разменуваат новости. Ако вас ве праша како сте, вие одговарате „Јас сум ОК, се е во ред“. Но вие сте толку осамени што не сакате да го искажете тоа затоа што се плашите дека партнерот нема да ве разбере.
Тебе ти е полесно - додека разговарате трудете се да звучите добро. Двајцата сте уверени дека на другиот му е послено тоа да го поднесе. Во суштина вие и двајцата сакате партнерот да се уверува како му е тешко без вас, но се плашите да не бидете отфрлени.


Бидете искрени
Поделете ги своите чувства за далечината (и позитивните и негативните). Тоа ќе ви помогне да се чувствувате поблиски. Имате прилика потполно да се разберете еден со друг и да си пружите поддршка и уверување кое ви е потребно.
Разговарајте за тешките ситуации. Тоа ви е подобро отколку секој сам да решава. И радувајте се на времето кое ќе го поминувате заедно во иднина.


Продолжете да комуницирате
Искористете ја предноста на модерната технологија - користете e-mail, chat, мобилни телефони, SMS...
Праќајте си мали подароци - да покажете колку често мислите еден на друг.
Изненадете го партнерот со повик - освен во времето кога редовно се слушате, изненадете го партнерот со неочекуван повик, само да му кажете „Те сакам“.
Праќајте си слики од вас и вашите активности - тоа ќе ви помогне во зачувување на визуелниот свет.
Водете дневник за тоа што правите секој ден - така ќе може партнерот да види што сте правеле.


И за крај
Далечината навистина може да ги помеша страстите помеѓу вас. Искористете го тоа време да му кажете на партнерот колку многу ви значи и кога не сте со него...

Прочитајте повеќе