Оној сомнеж кој ве јаде одвнатре кога е во прашање неговата бивша девојка конечно треба да биде уништен. Доколку ги препознаете овие три работи кај вашиот дечко, бидете сигурни дека ја преболел.
Машките потешко го преболуваат раскинувањето отколку женските. Потребно им е подолго време за да сфатат и поминат преку фактот дека се оставени. Баш заради тоа неможете, а да не се посомневате доколку бидете во врска со машко кое неодамна раскинало со веќе бившата девојка. Доколку забележите некој од трите знаци наведени подоле, кај него, бидете сигурни дека повеќе нема ниту едно чувство кон бившата девојка.
Ја нема помеѓу пријателите на фејсбук
Поновото време донесе модерни правила. Тие се најчесто друштвените мрежи, особено фејсбук, на кој сите ние секојдневно „висиме“. Гледајќи ги работите од тој агол, доколку ја избришал од пријателите неговата бивша девојка е позитивен знак. Тоа значи дека не сака, ниту го интересира нејзиниот живот повеќе.
Неговите пријатели слободно ја спомнуваат
Машките кои не ги преболеле бившите најчесто не сакаат ни да ги спомнат, а камо ли да слушнат нешто во врска со нив. Баш така, заради сопствено добро најчесто им забрануваат на своите другари да говорат за нив. Доколку тој слободно говори за неа и дозволува неговите другари да ја спомнуваат без да се лути значи дека дефинитивно ја преболел.
Кога ќе ја сретне не чувствува ништо
Обично, кога човек ќе ја сретне поранешната љубов ненадејно на улица, нешто ќе му затрепери во стомакот што е знак дека и понатаму чувствува нешто за неа. Доколку нејзината појава апсолутно не го допре него и се однесува слободно кон неа, без треперење во гласот или на рацете, тоа е добар и јасен знак дека ја преболел.
Коментари
Остави Коментар