Последниот разговор или завршницата понекогаш е важен затоа што носи комфор и конечна одлука која треба да ја прифатите. Завршницата е еден вид одобрување, затоа што после неа ќе знаете во која насока треба да се движите.

Сепак, завршницата не е задолжителна во сите врски, затоа не треба да ја очекувате. Откако ќе раскинете со некого, тој партнер нема обврска со вас да ги сподели последните зборови. Ако завршницата не се случи, не се обидувајте да ја поттикнете затоа што само можете да ги влошите работите. Сигурно не сакате да изгледате и звучите очајно, затоа бидете достоинствени.

Понекогаш завршницата може да дојде како еден вид изненадување после подолг период. Најдобро е да се откажете од истата и да дозволите времето да си го направи своето. Важно е да знаете дека не можете да ја исконтролирате целата ситуација со цел да ги украдете последните зборови од пропаднатата врска, но можете да исконтролирате како ќе го прифатите крајот.

Можеби сте полни зборови кои сакате да ги искажете, а немате можност. Можете да напишете писмо за збогување и да се ослободите од старите подароци и фотографии, да ги исчистите сите фајлови во компјутерот и во својата глава кои во поврзуваат со минатото.

Дадете си сами себе завршница, затоа што врската која ја имате и ја градите сами со себе е најважна. Со тоа што ќе побарате завршен разговор од некого само значи дека стоите во место се додека партнерот не одлучи да ви појасни дека е во ред да продолжите понатаму. Зошто да се малтретирате?

Имајте на ум дека вие сами сте одговорни за своите акции, вие сами себе си кажувате кога да продолжите понатаму и зошто.

Па, дали навистина ви е потребна завршница? Да, но завршницата треба да ја добиете од внатрешноста. Колку побрзо ќе ја преболите врската, толку побрзо ќе бидете подготвени да продолжите понатаму отворени за подобри и поголеми работи кои следуваат.

Прочитајте повеќе