Кога се во прашање врските, многу машки многу често се наоѓаат на опасен терен, затоа што се држат на старите лоши навики за кои можеби не се ни свесни дека можат да доведат до крај на врската. Иако сите девојки се различни, постојат одредени работи кои им „даваат до знање“ што мисли дечкото, без разлика дали тој мисли така или не. Затоа машки, внимателно прочитајте ја листата на навики кои девојките не ги сакаат...

Доцните
Ако постојано доцните на состаноците со својата девојка бидете сигурни дека тоа просто ја нервира. Ова е сигурно навика која сите девојки ја мразат. Освен во некои ситуации, доцнењето кажува дека не му посветувате доволно внимание на партнерот. А исто така тоа значи и недостаток на почитување и разбирање кај девојката.

Ако навистина сте ваква личност, која секогаш доцни, бидете сигурни дека вашата девојка не е единствената личност која директно влијае на вашето лошо однесување. Доколку не се потрудите и не ја елиминирате оваа грозна навика, исто така го ризикувате и односот со другарите, пријателите, па и семејството. Прекинете ја традицијата на доцнење и однапред испланирајте го секој состанок. Само така (секогаш) би стигнувале на време.

Заборавени сте
Можеби мислите дека „заборавив“ е изговор сосема оправдан во сите ситуации, но сватете дека девојката не мисли така кога заборавате важни работи и датуми. Заборавеноста може да се прости во безизлезни ситуации, кога крајниот резултат не е клучен. Сепак, ако тоа прерасне во навика вашата девојка може да „дигне раце“ од вас.

Момчињата се особено добри во помнење на работите кои им се важни, но кога се во прашање услугите или датумите кои не им значат многу, ни малку не се трудат да ги запомнат. Затоа вашата девојка може да помисли дека нејзиниот роденден, договорениот состанок или даденото ветување не ви се важни затоа што сте ги заборавиле. Ако така продолжите можете да почнете да барате нова девојка, затоа што оваа сигурно нема уште долго да ве трпи.

Премолчувате одредени работи
Премолчувањето може да ве спаси во некои ситуации, но сигурно дека ќе ве доведе до невоља. Убедени сте дека ако не го признаете варањето вашата девојка никогаш нема да го дознае тоа и сите ќе бидат среќни. Време е да сфатите дека сте во тешка заблуда. Доколку и понатаму ја криете вистината во себе, таа (девојката) кога-тогаш сигурно ќе дознае што точно сте направиле и повеќе никогаш нема да може да ви верува.

Значи, ако нешто сте забушавиле, признајте и одма. Ако постои некој дел од вашето минато или сегашност која сакате засекогаш да ја премолчите, подобро немојте, соберете храброст и сè кажете и отворено. Премолчувањето на „малите“ нешта многу брзо може да стане големо нешто доколку не соберете храброст и сè искрено да и признаете на девојката.

Не се трудите доволно
Кога се во прашање родендените, празниците... никогаш не смеете да ја покажете својата рамнодушност и незаинтересираност затоа што тоа девојките страшно го мразат. Доколку не посветите доволно внимание на изборот на облека за тој ден и се појавите без поклон, тоа значи дека сте апсолутно незаинтересирани за случувањата околу вас. Вашата присутност не е важна, повеќе е важен ставот према тие случувања до кои на вашата драга и се многу важни.

Затоа и за St. Valentine немојте да викате дека тој празник не е многу битен. Вашата сакана знае дека судбината не ви зависи од вашиот романтичен состанок, но ако на неа тоа и е важно, тогаш немојте да бидете себични и приредите и го најромантичниот состанок до сега.

Компромисите се клуч до добриот однос на парот. Сигурно и вашата драга барем еднаш седела покрај вас и „гледала“ некој натпревар, иако тоа не и е ни малку важно. Пробај да се сетиш на сите ситуации на кои само на тебе ти биле важни, а таа ти направила услуга, па пробај врати и така понекогаш.

Гледате во други девојки
Девојките не се глупави, туку се свесни дека нивниот дечко постојано со очите гледа по други девојки. Таа знае дека сте ја забележале келнерката и девојката од соседната маса. Тоа што таа не го сака е да правите сцени (да се ѕверите, загледувате) по други девојки и да ја осрамотите. Вашата драга „не сака“ да примети дека гледате во некоја друга, тоа е „инстиктивно“.

Ако премногу се опуштите и доделите некој непристоен коментар за девојката која поминува покрај вас и вашата драга или ако не ја слушате што ви зборува вашата девојка затоа што сте премногу загледани во атрибутите на некоја друга девојка, тогаш таа знае дека не ја почитувате и цените.

Девојките секогаш се споредуваат со други девојки, па ако го пофалите задникот на некоја друга девојка, вашата драга ќе претпостави дека таа „задница“ ви се допаѓа повеќе отколку нејзината. Секој ваш нов коментар за друга девојка, вашата ќе ја направи да се чувствува непосакувано, сè додека еден ден не одлучи да ве избрише од нејзиниот живот.

Прочитајте повеќе