Жената која е сакана, не старее - рекол рускиот книжевник Максим Горки. За дa се чувствува така, многу е важно да може во секое време да се потпира на својот партнер. Поради тоа, тој мора да биде полн со самодоверба, силен и искрен.
Каков треба да биде идеалниот партнер? Жената ќе биде воодушевена доколку тој се интересира за нејзините часови по јога, а покрај тоа и и' приредува изненадувања како што е појадокот во кревет.

Без разлика колку се еманципирани, жените ја сакаат великодушноста на мажите кога тие ги разгалуваат со поклон, вредноста не е важна, важно е да ја покаже љубовта со ситница.
Исто така, повеќето од жените мечтаат по амбициозен партнер кој има јасен животен план кој ја влучува и неа. Ниту една жена не сака тој да ја споредува со својата поранешна девојка и важно е да не заборави да и дава комплименти.

ТЕ САКАМ
Кога се заљубени, жените сакаат во секој момент да бидат свесни за тоа дека чувствата се двострани. Заради тоа им е важно партнерот не само со постапките, туку и со зборови тоа постојано да го докажува. Зборовите "Те сакам" таа сака да ги слушне еднаш дневно.

ВАЖНИ ДАТУМИ
Колку и да им изгледа тоа неважно на машките, жените сакаат тие да ги запомнат поважните датуми, како што се годишнините или датата на нејзиното раѓање.

СМЕАТА
Мажите со добар смисол за хумор можат да ја освојат скоро секоја жена. Кога е нерасположена, тој мора да се потруди да ја украде нејзината искрена насмевка од лицето.

МАСАЖАТА И СЕКСОТ
Освен добриот секс, на жените им се подеднакво важни и секојдневните физички нежности и прегратки, можеби бакнежот пред одење на работа.

Прочитајте повеќе