Современите девојки се навикнати сами да обавуваат многу работи, да скокнат до банка, да одат до автомеханичарот, не им е тешко ниту сијалицата да ја сменат... За прашањето на женската еднаквост со години наназад се расправало, затоа и не треба да не зачудува кога мажите не третираат како рамни на себе. Без сомнежи најдобро е да се биде самостојна, способна и приспособлива девојка. Сепак, најголемо задоволство ни носат моментите кога се однесуваме како вистински дами, кога мажите ни ја отвараат вратата, кога ќе добиеме цвеќе без да славиме годишнина, поклонот е чоколадо, а не се враќаме од пазарување, ни носат појадок во креветот...

Постојат неколку факти кои ја прават разликата помеѓу жената и дамата. Вистинската жена ќе се одлучи за црвен лак за нокти и впечатлив моден додаток. Вистинската дама е во хармонија самата со себе и има чувство за самопочит кој е видлив од секое нејзино движење и севкупното однесување. Поради тоа нејзиниот стил е префинет и мазен без разлика дали оди на претстава во театар или да пазарува во блиската продавница. Нејзината особеност и интелектот е она што освојува.

Ако сакаме мажите и оние кои се во нашата околина да не третираат како дами, треба да ги почитуваме следните совети, но и самите да се чувствуваме така како и тие.


1. Одете исправено со подигната глава. Ова "гордо" држење ќе ве направи повпечатливи и сугерира посебност.

2. Придржувајте се до правилото "помалку, понекогаш е повеќе": не ставајте премногу шминка и не носете истовремено премногу накит. Наместо тоа, имајте доверба во класичната, ненападна елеганција.

3. Допуштете му на партнерот да го носи вашиот багаж, не мачете се со тешки работи.

4. Избегнувајте чевли со високи потпетици. Мал е бројот на жени кои што можат нормално да одат во нив и лесно би можеле да изгледате смешни. Одберете ги оние малку пониските, класични во кои што можете сигурно да се движите.

5. Кога сте во ресторан, порачката препуштетe му ја на партнерот. Секако, самите одлучуваме што ќе јадеме.

6. Никогаш немојте слепо да ја следите модата. Формирајте сопствен стил кој што ќе одговара на вашиот карактер. Ќе имате поголема самодоверба доколку се чувствувате пријатно во вашиот фустан.

7. Внимавајте на должината на фустанот, таа не смее да биде прекратка. Нема да згрешите ако одберете класична должина на фустанот до колената, а таа должина е добар избор и за вечера и за работен состанок.

8. Бидете пријатни кон луѓето кои ве опкружуваат. Вистинската дама е елегантна и исполнета со самодоверба, но никогаш не покажува знаци на лутина.

9. Набавете класичен, елегантен црн фустан. Може да се носи во секоја прилика освен за венчавки, а можете и да бирате помеѓу големиот број на модели.

10. Не ги прекрстувајте нозете. Ако сакате да седите елегантно, лесно спојте ги и наведнете ги колената и опуштено прекрстете ги стапалата, со што ја затварате положбата на вашите нозе.

Прочитајте повеќе