Краставицата го регулира дијабетесот...

Краставицата содржи многу течност во неа, па е добра за топлите, летни денови. Наместо да се поливате со вода, краставицата ќе ви помогне да останете хидрирани.

Краставицата ги одржува вашите бубрези здрави. Поради високата содржина на вода, краставицата е диуретик и на тој начин помага во ослободувањето на токсините од телото. Ова може да го спречи создавањето на камења во бубрезите, но и да помогне да се минат постоечките преку мокрење. Исто така, игра важна улога во регулирањето на нивото на урична киселина во телото, што помага да се одржуваат здрави овој и другите органи на уринарниот тракт.

Го промовира здравјето на коските, кожата и ноктите. Краставицата содржи калциум, витамин К, магнезиум и витамин Ц кои помагаат во одржување на здравјето на коските. Овие витамини и минерали му се потребни на телото за одржување на густината на коските и за лекување на фрактури. Покрај овие, краставицата содржи и траги од минералот силикон, кој ја ублажува болката предизвикана од артритис, но и ги зајакнува сврзните ткива како што се косата и ноктите. Косата ќе биде еластична и нема лесно да се скрши.

Спречува лош здив и расипување на забите. Наместо гума за џвакање, доколку имате лош здив, посегнете по парче краставица. Високата концентрација на вода во оваа храна ја спречува сувата уста, а нејзината крцкава текстура помага да се отстранат бактериите од усната шуплина кои предизвикуваат непријатни мириси и го поттикнуваат производството на плунка.

Краставицата го регулира дијабетесот. Има низок гликемиски индекс (има индекс 15 на скалата, а сè под 55 се смета за ниско), што значи дека не предизвикува скокови на нивото на гликоза во крвта. Високата содржина на влакна, исто така, го забавува варењето на јаглени хидрати и шеќер, што пак го намалува нивото на гликоза во крвта. Високата содржина на вода помага да се спречи дехидрација, што ја прави оваа храна одличен избор за луѓето со дијабетес.

Ако овие причини не ви се доволни за да направите салата од краставици, таа може да ви помогне да изгубите тежина и да го подобрите варењето.

Прочитајте повеќе