Дали нарцисоидните луѓе се подготвени за љубов во одреден момент од животот, дали знаат да се заљубат или само привремено го имаат тоа чувство? Ова се само дел од прашањата поврзани со нарцисите кои не мачат... Бројни експерти тврдат дека и нарцисите знаат да сакаат, но на свој начин.
Можеби подобро прашање е дали сте подготвени за таква љубов бидејќи нарцисите нема да ве сакаат на традиционален начин и најверојатно нема да бидат долго заљубени во вас.
Секоја врска е идилична на почетокот, вклучително и оваа со нарцис. Ве опсипува со внимание и комплименти, но во одреден момент се изморува од тоа, се повлекува во себе, а во некои случаи и тие стануваат насилни.
Заклучокот е дека нарцисоидните луѓе можат да се заљубат, но не можат да развијат подлабоки чувства од тоа, затоа не се надевајте на некоја фатална љубов ако вашиот партнер е нарцис.Имаат проблем и затоа што фантазираат за совршени врски, а тоа е невозможно затоа што животот никогаш не е совршен Има многу причини кои потврдуваат дека нарцисите не можат да дадат љубов, а ние ќе издвоиме пет од најчестите.
1. Тие се оптоварени со идеалност
Светот на нарцис е совршен и нереален. Проблемот е што тие мислат дека прават сè подобро од другите. Нарцисите не прифаќаат едноставен скромен живот и секогаш сакаат повеќе, а така е и со емоциите.
2. На нарцисот не му е грижа што чувствува неговиот партнер
Многу лесно ве отфрлаат кога од вас добиваат се што им треба и ве исцрпуваат емотивно. Постојано им треба восхит и почит и не им е грижа што мислите или како чувствувате за тоа.
3. Го вовлекуваат партнерот во маѓепсан круг
Овие луѓе се карактеризираат со недостаток на емпатија и манипулативна природа. Често се случува луѓето кои раскинуваат со нарцис да се обвинуваат себеси за раскинувањето, а исто така е можно нарцисите да го одложат крајот на врската и на тој начин да го вовлечат партнерот во маѓепсан круг во кој повторно и повторно се разочаруваат.
4. Околината ги изложува
Најчесто, семејството и пријателите ќе забележат дали страдате во врска без воопшто да го сфатите тоа. Генерално не треба да ги слушате другите луѓе кога е во прашање вашата врска, но понекогаш тие можат да бидат во право. Врската со нарцис ќе заврши токму затоа што пријателите и семејството ќе го препознаат како таков, а нарцисот нема долго да остане во врската.
5. Секогаш сака повеќе
Ништо не е доволно добро за нарцис. Тие секогаш ќе сакаат повеќе без разлика што имаат. Најчесто се незадоволни затоа што секогаш мислат дека можеле подобро, па нивната фрустрација е се поголема и поголема.
Коментари
Остави Коментар