Доколку се случи вашиот партнер да покажува знаци на пасивност, тоа е можеби затоа што претходно добил негативен одговор од вас за некоја негова замисла или идеја. Доколку сакате да го вратите во игра, тоа најдобро може да го направите преку различни предлози и нови идеи, но и со прифаќање на неговите. Така вашиот партнер ќе почувствува дека го почитувате и него и неговите одлуки.

Доколку станува збор за пасивност поврзана со сексот отворено разговарајте на оваа тема. Можеби вашиот партнер е пасивен во овој поглед поради неговиот поглед кон сексот како дел од врската. Предложете му нови места во вашата куќа за водење љубов, направете го тоа да не му/ѝ претставува уште една рутина во неговиот/нејзиниот живот.

Пасивност може да има и во поглед на подароците коишто ги добивате за роденден или годишнина. Тука не станува збор за заборавање на овие битни датуми, туку едноставно за купување на подароци коишто се спротивно од она што вие го сакате или очекувате. Не е убаво и да се одбие и да се каже што поклон сакате, но доколку ваквото добивање на подароци од партнерот продолжи во континуитет, убаво би било да поразговарате со него/неа на оваа тема.

Незаинтересираноста за вашите пријатели исто така може да е знак на пасивност. Ставете му на знаење дека ви е битен неговиот/нејзиниот однос со вашите пријатели. Овозможете му повеќе заедничко дружење како би ги запознал подобро. На тој начин ќе има поголема доверба во вас, а тоа ќе се одрази квалитетно на вашата врска.

Има уште форми на пасивност коишто можат да се појават кај вашиот партнер. Но наместо со лутење да не ја прифаќате таа негова/нејзина пасивност, пробајте во најмала рака тоа да го направите со разговор и разбирање. Така ќе ѝ дадете подолг и поквалитетен живот на вашата врска.

Прочитајте повеќе