Како да ја задржиш искрата запалена во една врска, кога чувствуваш дека твоето срце пропушта еден удар и кога твојот мозок неизбежно се сеќава на последниот момент поминат со најдрагата личност?

Клучот за да ја задржиш страста на љубовта е во секој состанок да правиш по нешто романтично. Еве неколку примери:
 
Кога сте на состанок пробај да го придобиеш вниманието на партнерот, твојот глас треба да има малку насмевка, а твоите очи треба да „светкаат“. Кога се смееш пробај да изгледаш дека целото твое лице се смее и не е важно ако партнерот не може да те види, тој ќе може да ја примети разликата во разговорот.
Биди интересна личност на состанокот со поставување на прашања. Биди до партнерот, направи да се чувствува посебно и увери го дека ти значи и дека го има целото твое внимание.
 
Многу парови мислат дека штом ќе поминат некое време заедно романтиката не е потребна повеќе. Тие мислат дека се на повисоко ниво отколку на нивото кога се запознале и кога сакале да си го привлечат вниманието еден на друг. Тоа не е точно. Романтиката е потребна и треба да се применува без разлика дали сте заедно 2 дена или 20 години. Секогаш е добредојден по некој романтичен гест.
 
Еве неколку прмери за да ја оживеете романтиката:

Љубовни пораки
Праќај му љубовни пораки на твојот партнер. Без разлика дали живеете заедно или сте на различни страни во градот, па и во светот, секогаш е добредојдена по некоја романтична љубовна порака.

Цвеќиња
Девојките сакат цвеќиња, секогаш имаат и секогаш ќе сакаат. Дечкото може да и' прати или пак да и подари цвеќе на својата девојка со љубовна картичка искажувајќи ја својата љубов и почит спрема неа или пак само во знак на благодарност за нешто што таа направила за него.
 
Вечера
Без деца, без другари, без фамилија. Никој, само вие двајца. Не мора да биде нешто специјално и којзнае колку скапо, останете дома ако треба. Згответе нешто или пак порачајте. Имајте ја вашата омилена вечера. Запалете свеќи и ужувајте.

Нежност
Прегратки, бакнежи или пак само држење за рака. Има и такви кои не ја сакат нежноста, но сепак таа може да измами по некоја насмевка на неговото лице.
 
Вербално убедување
Кажете му на партнерот колку многу го почитувате, колку многу го сакате и колку многу сте горди на него. Не го земајте во предвид дека тој тоа веќе го знае. Зборовите значат многу.

Без зборови
Кога сакате да го импресионирате партнерот, а јазикот ви се „врзал“ пробајте нежно да ја допрете неговата рака.

Прочитајте повеќе