Постојат работи кои ги правиме, а не сме свесни колку нас не прават тие попривлечни. Помеѓу најобичните, а воедно и најпривлечните гестови спаѓаат насмевката и погледот - колку вас некој ќе ве смета за убав и привлечен драстично се менуава од тоа дали сте насмеани.

Дали е можно една насмевка толку многу да го смени изгледот?
Можно е - насмевката го затегнува лицето, им дава сјај на очите, оние браздичиња што од неа се создаваат делуваат симпатично, а со сето тоа насмевката ве поврзува со убаво расположение и убави работи, што на личноста која се смее и даваат привлечност.

Се смета дека кога жена ќе погледне машко со искрена насмевка и воспостави поглед  со него, тој ја смета за попривлечна од жена која не му се насмеала, а подеднакво добро изгледа. Жените тоа и сами го утврдуваат, без некои други да им кажат: насмевни му се на машкото и тој нема да може да го одвои погледот од вас и ќе биде збунет што само не се заплеткал во сопствените нозе... Нема сите машки да реагираат баш така, нормално, но повеќето да.

Поради што е тоа така?
Поради затегнатото лице кое го спомeнавме, па лицето изгледа мило, слатко и привлечно, тука се и убавите емоции која насмевката ги дава на секому (освен на намќорите кои мислат дека не треба да се насмевнувате и воопшто да се смеете, а секој кој е насмеан нив им е одбивен), доброто расположение кое насмевката го дава, а кога сте добро расположени сè на вас поубаво ви изгледа.

Постојат и разни други трикови со телото, разни други начини на заведување кои ја вклучуваат шминката, фризурата, гардеробата, убавите нежни мириси... Меѓутоа најефикасни и наједноставни се: Насмевката и погледот.

Насмеана жена е најубава и најпривлечна жена – поубава и попривлечна од било која ледена кралица, па и да оваа другата е феноменално облечена, само што излегла од фризерски салон и намирисана со најскапиот парфем.

Прочитајте повеќе