Што е љубов? Дали не чека врска или брак која долго ќе трае? Не е лесно да се одговори на овие прашања бидејќи има повеќе теории и одговори. Некој мисли дека љубовта константно е состојба на страст, додека други мислат дека за нејзе е потребно нешто повеќе од страст. 

Според теоријата на Стернебрг Триангуларна теорија на љубовта, таа е составена од три компоненти - интимност, страст и посветеност. Под интимност се подразбира чувство на блискост, поврзаност и грижа. Страста преставува физички и сексуална привлечност, која води романса и сексуални односи. Приврзаноста е одлука дека личностите ќе се грижат еден за друг и решеноста односот да се одржи.

Комбинацијата на овие три компоненти, Стернберг зборува за осум облици на љубов или релација меѓу партнерите.

Состојба не-љубов (отсутни се сите три компоненти) - ова е тоа што го чувствуваме кон повеќе луѓе, кон пријатели.

Допаѓање(интимност)- овој облик на љубов ги карактеризира чувствата на блискост и доверба. Вистински пример на овој вид на љубов е другарство помеѓу две лица. Значи, лицата уживаат во меѓусебно друштво, блиски се и поврзани, но не е присутна страста и долгорочната приврзаност. 

Заљубеност (страст) - Заљубеноста го карактеризира присуството само на страст. Изразена е физичката привлечност и сексуалното возбдудување. Овој облик на љубов е присутен во почетокот на врската и тоа е она што луѓето го викаат „љубов на прв поглед“. 

Празна љубов(приврзаност) - Оовј облик на љубов се карактеризира со силна приврзаност односот да се одржи. Се јавува на почетокот на договорените бракови ( додека уште не е развиена интимноста и страста). 

Пријателска љубов(интимност + приврзаност) - Се карактеризира со постоење на приврзаност и интимност. Обично е присутна во долготрајни врски како долгогодишни бракови. Пријателкста љубов е обично долготрајна. 

Романтична љубов - Се карактеризира со присуство на страст и интимност. Овој облик на љубов парот ја доживува во првите месеци од врската. Партнерите се физички блиски, но се чувствуваат и како најдобри пријатели и уживаат да го поминуваат времето заедно.

Будалеста љубов - Пар кој ја доживеал будаластата љубов сака да биде заљубен но не постои вистинска емотивна врска бидејќи не е присутна интимноста. Чесо луѓето кои ја доживуваат оваа љубов донесуваат одлука да се венчаат на брзина. 

Потполна љубов - Потполната љубов е комплетен облик на љубов кој луѓето тежнеат и кој е тешко да се достигне. Страст, интимност и поврзаност се подеднакво присутни. Потполна љубов е потребно да се негува за да подолго трае.

Прочитајте повеќе