Депресијате е болест на денешницата. Сите ние стануваме депресивни заради многу работи и мислиме дека животот ни е мизерен. Но дали навистина сè е така лошо или ние тоа го сфаќаме преозбилно?

Прочитајте ги 45те начини како да се чувствувате посреќно и обидете се да исполните барем 10 од нив.

1. Шетајте секој ден најмалку 20-30 минути на свеж воздух. Под шетање не спаѓа одењето на работа или во продавница.

2. Поминете 8 саати спиејќи. Тоа е оптималното количество сон што секој организам треба да го има во текот на 24 часа.

3. Најдете време да слушате музика, медитирате, сонувате со отворени очи... Кога го правите тоа заборавете на проблемите и мислете позитивно.

4. Немојте секогаш да бидете опкружени со луѓе на вашите години. Разговарајте со деца и постари луѓе и ќе видите како животот може да биде подобар.

5. Поминете некое време сами. Седнете на некое тивко место и сконцентрирајте се на своите чувства.

6. Учествувајте во некои игри. Играјте со топка со своите деца или внуци или братучеди кои не се поголеми од 5-6 години. Тие можат најубаво да ве расположат.

7. Научете некој странски јазик. Слушајте песни на тој јазик и гледајте филмови.

8. Простете им на сите. Секако со својата душа, но немора тоа да им го кажете, но битно вие да го знаете.

9. Не обидувајте се да ја заборавите својата тага така што ќе работите повеќе часови дневно. Тоа нема да ви помогне. Така може само да ја замрзите својата работа.

10. Излезете од дома, дружете се, запознајте нови пријатели.

11. Кога ќе се разбудите наутро немојте одма да станувате. Лежете малку и „сонувајте“ за својата иднина.

12. Воведете 3Е во својот живот: Емпатија, Ентузијазам и Енергија.

13. Станете миленик на работното место. Забавувајте ги колегите околу вас.

14. Читајте повеќе книги.

15. Имајте добар доручек и ручек. Вечерата и не е толку битна.

16. Немојте да се фокусирате на работите кои ги имате веќе подолго време. Пробајте нешто ново: нова шминка, облека, парфем. Ова ќе ве направи среќни!

17. Немојте да се присетувате на лошите работи во вашиот живот. Живејте во сегашноста.

18. Сакате да разговарате? Јавете им се на пријателите и прашајте ги што има ново кај нив, иако не сте се слушнале со години.

19. Смејте се ако сте тажни. Направете го тоа, и така не ви треба многу напор. Ќе ви се подобри расположението.

20. Ако можете, јадете го овошјето директно од дрвото и зеленчукот од градината. Експертите велат дека изолацијата од природата носи незадоволство во нашиот живот.

21. Пијте што повеќе вода.

22. Ако не можете да ја промените ситуацијата, оставете ја така и не се грижете. Еднаш прочитав мислење на еден човек кој го промени моето мислење за тоа да се грижам за сè. Тој кажа: „Ако морам на операција, хирургот е тој кој треба да се грижи, не јас. Јас неможам да сменам ништо.“

23. Почастете се со миризливи свеќи и арома терапија.

24. Цртајте. Немојте да кажете дека не знаете. Сега секоја слика се смета за креативна.

25. Почнете да гледате некоја интересна серија и ќе имате среќни ноќи.

26. Одете на места каде што не сте биле никогаш, посетете некој друг град.

27. Лежете на трева, снег, песок, бањајте се во река или море, берете печурки...

28. Одете на концерти, изложби, кино...

29. Никој нема да ве направи среќни освен вие самите.

30. Ослободете се од омразата.

31. Немојте да се оптеретувате. Ако нешто не завршите денес, ќе го завршите утре.

32. Смејте се на своите грешки како да се смеете на туѓите.

33. Научете да чекате стрпливо додека проблемот биде решен и мислете позитивно.

34. За да победите, некогаш мора и да изгубите. Размислете за тоа.

35. Вие не сте „другите луѓе“ и немојте да се споредувате со нив.

36. Немојте да претерувате. Дефинирајте што сакате, постигнете го тоа и бидете среќни.

37. Кога ги трошите парите на себе тоа е забавно и корисно.

38. Само неинтересните луѓе немаат непријатели. Што повеќе ќе постигнете, толку повеќе непријатели ќе имате.

39. Морате да бидете во можност да ја напуштите лошата работа, да ја оставите лошата книга и да престанете со разговорот кога некој ве нервира. Имате само еден живот и не треба да го трошите на работи кои се минливи.

40. Зависта е бескорисна. Веќе имате сè или ќе имате сè во животот.

41. Јавете им се на своите родители, својата фамилија и разговарајте почесто.

42. Поклонувајте им на другите подароци, дајте им дел од себе и они ќе ви вратат со иста мера.

43. Најдете некое ново хоби: танцување, правење накит, одбојка, кошарка...

44. Купете си домашно милениче на кое ќе се израдувате кога ќе си дојдете дома.

45. Запомнете: најдоброто допрва доаѓа!

Прочитајте повеќе