Во денешно време нема толку притисок кон машките да мораат да бидат оженети како што било порано. Сега побитно е образованието, добрата работа, а доколку се појави „вистинската“ уште подобро. Но додека се појави вистинската постојат многу причини поради кои подобро е да бидеш сам.

Имате доволно време да ја пронајдете вистинската
На овој начин можете да си приуштите да ја барате сродната душа според стандардите кои самите сте си ги поставиле. И пополека, без стрес чекајте ја да се појави онаква каква што вас ви одговара. Можете да избегнете грешка, да се врзете за цел живот за онаа која сепак и не е вистинската. И наместо да тагувате поради тоа што вашиот пријател веќе се оженил морате да сватите она што е за вас ќе си дојде. Запознавајте ја секоја која ви се допаѓа, а така верувајте играте на сигурно.

Фокусирајте се на кариерата
Доколку сте сам, можете да се фокусирате на сопствената кариера. Можете да работите и по завршувањето на работното време, за викенди доколку сакате, без никој да ви приговара. После тоа сам себе наградете се со добар провод и брзо полнење батерии за наредната работна недела. Вистинска работа е кога ќе почнете да заработувате, жените сами се лепат за вас.

Можете да работите што сакате и кога сакате
Нема граница за она што си го посакал. Изберете каде ви се оди вечерта и одете, останете колку сакате, ништо не ве спречува. Кога ќе се вратете дома никој нема да ве прекори зошто ѓубрето не е исфлено, ВЦ-то не е средено или немате купено основни намирници.

Сексуална слобода
Една од најдобрите работи кај самите е тоа што немораат секоја вечер да ја поминуваат со иста жена до крајот на животот. Светот на журките и авантурите е ваш и чека да го покорете. Ова гарантира дека нема да дојде до компликации во случај „да ве фатат“ бидејќи со никоја не сте врзан.

Штедите богатство
Кога сте сами, тоа значи дека неморате да купувате скапи поклони за да ја импресионирате вашата партнерка, така да неморате да се грижете околу тоа воедно и би заштедиле. Неморате да се грижете да купувате цвеќе, накит или други поклони кои партнерката би ги „барала“ од вас. Наместо ова со заштедените пари можете да си отидете на одмор на некое егзотично место каде што има полно девојки, да се забавувате да сте сексуално слободни и да си поминете најдобро на свет, повторно без обврски.

Уживате во тишината
Кога сте сам имате привилегиа да живеете во мир и тишина, немате проблем со нагли промени во расположение на вашата партнерка, кои би морале да ги трпите и секогаш да бидете виновни за нејзиното лошо расположение.

Можете да уживате со вашите „играчки“
Се она што ве развеселува можете да го правите со часови без да ве гризе совеста дека некого сте „заборавиле“. Можете да се возете на вашиот мотор, да одите да се шетате, да седите цел ден пред компјутер, едноставно да правите што сакате...

Нема компромиси
Кога сте сами тоа значи дека неморате стално да внимавате да не се најдете на „половина пат“ со партнерката. Понатака, ништо нема да може да ве натера и да ве принуди да појдете на вечера со нејзините родители, нема да морате со саати да чекате во бутик додека она се одлучи кој фустан да го купи или пак да се замарате на разговори од типот „сум се поправила еден килограм“, немате потреба да се карате со никој додека гледате фудбал, а на другиот канал има шпанска серија.

Прочитајте повеќе