- Нема ништо лошо во тоа што не ве интересира интимноста, само треба да го промените контекстот

За да разберете зошто интимноста во долготрајните врски се намалува, прво треба да ги имате сите информации за женската сексуалност.

Дебора Фокс, терапевт за интимни врски, дала интересно објаснување во врска со интимната желба кај жените, пренесува „Mindbodygreen“.

- Да, некои жени навистина велат дека не им е грижа дали некогаш повторно ќе имаат интимни односи, но поверојатно е дека мислат дека не им е грижа дали под одредени околности повторно ќе имаат интимни односи - го започнува своето објаснување.

- Пред се, треба да се истакне дека има бројни негативни пораки со кои се бомбардираат девојките уште од влегувањето во тинејџерските години. Има многу пораки за: не биди премногу гласен, не седи така на столот, не биди „премногу“, не забременувај, на момците нема да им се допаѓаш ако...

- Добрата вест е што овие негативни пораки може да се ублажат, а пред се, треба да идентификувате кои пораки сте ги добиле од вашите врсници, родители, а исто така и од социјалните мрежи. Како овие пораки влијаеле на тоа како се чувствувате за интимната врска?

Следниот чекор, вели Дебора, е да идентификувате како тие пораки можеби сè уште влијаат на вас и да најдете начини да го намалите нивното континуирано влијание.

- Во тоа може да ви помогне разговорот со партнерот, терапевтот или читањето книги за женската интимност.

Клучно недоразбирање кога станува збор за желбата на жените за интимност е идејата дека сексуалната желба се појавува на ист начин кај сите. Кога тоа не се случи, настанува конфузија и чувство на вина.

- Всушност, постојат две основни желби за интимност - спонтана и одговорна - вели терапевтот.

Кога зборуваме за промена на контекстот, сè што треба да направите е, кога не ви се чини дека сте расположени за интимност, обидете се да се запрашате што би направило да се чувствувам подобро, советува Фокс.

- Можеби тоа би било разговор со партнерот или чаша вино, масажа, топла бања или читање еротика... Постои мост помеѓу тоа каде е вашиот ум и каде би можел да биде, важно е само да го откриете тоа патека – заклучи таа.

Прочитајте повеќе