Летото по правило е создадено за романтични експерименти, но не оваа година, кога бакнежот може да убие. Во ерата на корона, довербата и чесноста се единственото богатство на заводникот, романтичните прегратки се резервирани само за „координирани“ парови, додека самците не можат да веруваат ни на лекарско досие, дури и ако некој би сакал да го покаже тоа.

Можеме ли да се сакаме како кога бевме деца, платонски? Тешко, затоа што сме возрасни. А што се случува со младите сепак, дали целата генерација ќе ја чека првата прегратка и бакнеж додека не помине короната, до следното лето или можеби до 2022 година? И како да им објасниме на младите дека љубовта е опасна сега?- Тешко. Тие и онака се склони кон ризично однесување, а страста што се појавува за прв пат е неконтролирана. Малку разбирање и трпение можат многу да помогнат во разговорот со нив. Само внимавајте, да не направиме контраефект - вели психоаналитичарката Весна Брзев Ќурчиќ.

Страв од близок контакт

Се поставува и прашањето како сегашниот страв од близок контакт (физички) ќе влијае на подоцнежниот љубовен живот на младите. Трпението во љубовта, додека не се изгради доверба, не мора да биде непријатно, туку стимулативно искуство. Сепак, тоа може да доведе и до погрешен избор на партнер. Од друга страна, забранетото („овошје“) може да стане ужасно пожелно и да претставува потенцијална опасност.За време на здравствена криза, освен партнерството, многу важна работа е одговорноста. Одговарајќи на прашањето како да се сака во ерата на корона, Весна Брзев Ќурчиќ вели дека „зависи од партнерот, партнерскиот однос и грижата за другиот, одговорноста кон другиот“. - Се е прашање на меѓусебна доверба и почит. Грижата за себе е исто толку важна како и грижата за другите.

Прочитајте повеќе