...„Бевме интимни, спиевме заедно...“

Колку пати сте го слушнале ова, т.е. сте заклучиле дека кога некој ќе каже дека бил интимен со некој друг вие тоа одма го поврзувате со секс? Интимноста не е секс.
А и кога некој ќе ви се довери дека имал секс, ќе ви рече дека бил интимен со некој/некоја. Луѓето се плашат да кажат дека некогаш само сексот име е важен и затоа додаваат емоции и заљубеност (кои во нивниот сличај ги нема) и сите останати ги убедуваат дека неговата/нејзината врска со партнерот е базирана на емоции, а не на секс.

Можеби е лесно да ги лажеме другите, но зошто да се лажеме себе? Пред себе имате некоја манекенка со долги нозе или спортист со широки гради кој(а) вас непрекинато ве гледа и скенира, а вие зборуватe дека само љубовта е во прашање иако не знаете скоро ништо за вашиот нов партнер освен неговата/нејзината конструкција. Мислите дека некој ќе ви се повери на вас? Уживајте во тоа што го имате, но не правете нешто што не е.

Интимноста не се достигнува во кревет (тука само може да се зацврсти веќе започнатата). Помислете на сите глумци, да речеме, или на оние кои тоа го прават за пари. Зар сите тие луѓе се интимни? Ако тие можат да глумат, можете и вие, но тие не викаат дека биле интимни со колегата/колешката или клиентот.

Зборувате за љубовта, а знаете дека ја нема и дека се' се заснова на физичката градба. Љубовта не бара секс, туку поврзување со таа личност која сте ја засакале заради нејзините особини. Во тој случај сексот може уште повеќе да ве зближи. Не можете уште одма да добиете љубов или да ја направите интимноста колку и да се трудите или преправате. Секс може да добиете било кога, но овие две работи не.

Малку се тие кои се заљубени и имаат сексуални односи. Но тоа не значи дека некој ве спречува да имате „само“ љубов или само секс. Прво расчистете сами со себе што е што и почнете да ги викате работите по правото име.

А ако сакате со некој/некоја да бидете интимни тогаш морате да се потрудите. Тоа не значи дека само ќе имате долг разговор, ќе слушате пазливо и ќе чекате да ги чуете оние два збора „те сакам“. Ни тоа не значи нешто посебно. Длабока поврзаност со личноста со која сте ќе почувствувате кога ќе ве обземат емоциите. Додека не дојде до тоа не барајте ниту зборувајте дека водите љубов кога само сексот ви е во глава.

Прочитајте повеќе