Во многу работи вашиот дечко ви се допаѓа, но зошто мора да се прави важен пред другите и зашто вашиот дечко не се опушта ни кога сте насамо? Со други зборови, зашто да неможе да биде барем малку романтичен, зашто секогаш мора да покажува дека е „кул“ и „фаца“?

Секако, не се сите дечки такви, но што ако е вашиот дечко таков, а вие сакате да биде романтичен? Сè останато (или скоро сè) кај него ви се допаѓа, само на вас романтика ви недостасува? Не е секогаш лесно да го натерате да покаже барем малку смисла за романтика, но не е ни невозможно. За почеток, добро е да знаете нема потреба да барате од него да биде многу романтичен.

Како прво, тоа може да го исплаши, бидејќе романтиката се поврзува со голема количина на покажување чувства – а некои дечки од тоа се плашат. Сметаат дека се привлечни во „мачо имиџот“ и дека би биле прогласени за слабаци ако покажат дека не се секогаш јаки и неосетливи.

Како второ, ако барате од дечкото да биде малку повеќе романтичен, лесно може да се случи да тој не свати што точно вие сакате од него – негова идеја за романтика може да биде да ви смени гума на велосипедот. Што тогаш да направите? Нај едноставно решение е да размислите што навистина точно сакате дечкото да направи. Да вас некогаш изненади со цвече или слатко, да направи мини вечера за вас во својата соба која ќе биде осветлена со свеќи, да ви прати SMS порака... Смислите што е тоа конкретно што сакате тој да направи за вас и кажете му го тоа. А романтика воопшто немора да спомнувате.

Без спомнување романтика, не е толку веројатно дека ќе го уплашите дечкото. Затоа што тој сака на вас да ви се допадне и затоа што сака да уживате со него, еднаш кога ќе му кажете што конкретносакате од него, многу е веројатно дека тоа и ќе се потруди да го направи. Нему ќе му биде полесно и ни малку застрашувачко кога ќе му кажете конкретно што сакате, вие ќе уживате во неговите романтчни гестови (двајцата ќе уживате во неговиот романтичен гест, затоа што тој сигурно ќе биде задоволен од вашата реакција за неговиот труд) - без многу мака и труд ќе добиете точно тоа што сакате од него.

Прочитајте повеќе