Најголем дел од своето слободно време паровите ги поминуваат еден со друг. Партнерот ни е најголем „соиграч„ во секојдневните слободни активности. 

Со кои активности еден пар ќе го пополни слободното време кое го има на располагање, како ќе влијае на нивниот однос, кој покрај нив ќе учествува во тие активности, иднивидуално е од пар до пар. 

Истражувањата покажале поврзаност помеѓу брачното задоволство и слободното време кое парот го поминува заедно. Овој случај и во различни култури. Дури се покажало и како најзначаен директен предиктор на брачно задоволство.

Значи, слободното време на парот подразбира активности во кој парот се вклучува, а не се однесува на работа, на деца или на некои други секојдевни обврски. Тука се вбројува рекреација, опуштање, физичко вежбање, интимност, забава и др.

Во овие активности може да се вклучат и други луѓе, пријатели, соседи, може да се вршат надвор од домот. 

Сите активности во слободно време на парот може да се групираат на следниов начин:

- културно-уметнички активности - одење во библиотека

- забава - одење во кафуле 

- релаксација - читање книга 

- социјализација - вклучување во пошироко друштво

- ритуали - оддење во шопинг 

Иако е потврдено дека со тек на времето доаѓа до опаѓање на задовослтвото во бракот, како и да е генералното ниво на брачното задоволство кај жените значајно е пониско во сите развојни фази на бракот, доколку парот се вклучува во активности во кои и двајцата уживаат нивното задоволство се зголемува.Забавата и релаксацијата се активности кои најмногу допринесуваат за порасне брачното задоволство, каде мажите повеќе уживаат во активности на релаксацијам а жените подеднакво во двете. 

И теоријата и праксата ни покажале колку е значајно заедничкото поминување на слободното време на парот за двострано задоволство на партнерите.Значи, тоа што можете да направите за да го подобрите вашиот однос е да се усогласите во својот секојдневен ритам на некоја активност која ќе ја правите заедно со саканата личност. 

Прочитајте повеќе