Наздравете за вашата љубов
Кога и да наздравите со чашите, без разлика дали тоа е шампањ, сок или пак само вода, прославувате нешто ново. Одвојте момент со партнерот да наздравите за желбите и соништата што посакувате да ви се исполнат во новата година. Па подигнете ги чашите и испијте го пијалокот во знак на иднината.

Урамете ја омилената слика
Во секоја слика од вашиот партнер или вас, дали сте сами на сликата или заедно, има по некој спомен кој прави да се чувствувате прекрасно. Урамена слика од вас е вистински подарок за вашата сакана личност особено ако на рамката има напишано љубовна порака.

Снимете CD
На времто, еден од подобрите начини да ја искажете вашата љубов беше да снимите касета со песните кои имаат посебно значење за вас двајцата. Денес, тие касете се заменети со CD-иња. Направете плејлиста со вашите омилени песни, снимете ги на CD, но немојте да заборавите да направите интересна опаковка во која ќе го ставите CD-то. На опаковката може да има нешто романтично и порака со која ќе и ги честитате празниците на вашата сакана личност.

Испејте му песна на партнерот
Барате подраматичен поклон за да ја искажете вашата љубов преку музиката? Неможете да направите нешто поубаво од тоа да и ја испеете омилената песна на саканата личност. Таа ќе биде одушевена од вашите храбри, но пред се романтични потези.

Гушкајте се пред телевизорот
После прекрасната ноќ помината во градот, веројатно ќе биедте изморени од дочекот на новата година за да направите нешто повеќе. Затоа седнете (може и да легнетеJ) пред телевизорот и пуштите ги омилените филмови. Направете атмосфера: изгасете ги светлата, направете топло чоколадо и земете ќебенце. Ќе биде прекрасно, верувајте!

Прочитајте повеќе