Ако сте оставени, имате право да…
… бидете оставени очи в очи, а не преку мејл, телефон или порака!
… си угодувате! Почнете со јога! Направете маникир! Пробајте ги сите вкусови на чоколатца.
… ги игнорирајте глупостите што ви ги зборува. „Никогаш не те сакав…“ По четири години и три понуди да се омажите за него? Добар обид.
… ги искористите сите начини да го преболите. Ако тоа значи да ги фрлите сите подароци од него и да ги избришете заедничките фотографии – нека биде така.
… ги отпишете идеите од типот „ајде да бидеме пријатели“ – тие нема да ве направат среќна.
… го избегнувате сè додека не го преболите. А потоа имате право секаде да се појавувате привлечни до апсурдност.
… почекате пред да тргнете во „акција“. Можеби ќе посакате мислите да ги оттргнете со нова врска, но почекајте да бидете подготвени за тоа.

Ако вие оставате, имате право да…
… го излажете опуштено само за да си ја олесните работата. Потребен ви е текст? Можете да кажете: „Сфатив дека не сум подготвена за врска каква што сакаш ти.“
… одбиете да му бидете психотерапевт. Кажете му што не било ОК, другото оставете му го на стручно лице.
… поставите граници. Не му должите ништо. Блокирајте ги мејловите од него (како и пораките и повиците), ако одбива да ги сфати вашите знаци.
… го смените мислењето за нештата што сте ги сметале за свети. Сега можете да признаете дека неговиот вкус за стил е сомнителен, иако порано го браневте. На вашите пријатели ќе им олесни кога ќе слушнат дека не ви се допаѓале неговите панталони.
… ја ставите на прво место својата среќа.