Во какво и да сте расположение, тешко дека ќе одолеете на добра шега, на момче кое знае како со децата или на песна отсвирена само за вас.

1. Говори повеќе странски јазици
Љубовни шепотења на француски или нежни зборови на шпански. Не може а да не ви ја разбуди фантазијата.

2. Добар татко
Секси татко кој знае како да си игра со децата. Тоа е глетка која не сакате да ја прекинете, туку да седнете и да уживате во неа.

3. Добар танчер
Кога знае што прави на подот за танцување звучи и повеќе отколку секси. Имате желба да му се препуштите и да пуштите да ве води.

4. Вешт во рацете
Добар мајстор кој никогаш нема да ве остави на цедило. Не го мрзи да ја соблече маицата и да клекне под мивалникот без разлика што само што се облекол за да оди на пиво со другарите. А како да му одолеете!?

5. Галантен
Не му е проблем да потроши на вас и да ве освои со некој романтичен гест. И уште ако тоа не го прави во знак на извинување за нешто што претходно погрешил – не можете да останете рамнодушни.

6. Свири некој инструмент
Гитара, виолина, пијано или некој друг инструмент со песна само за вас. И колку и да сте нерасположени, во тој момент ќе ве стопи, признајте!

7. Спортски тип
Освен атлетските гради и упорноста може да биде и тоа како секси. Надвор врне дожд, а него не го мрзи да накисне затоа што е време за џогирање? Сигурно нема да го мрзи и да џогира до кај вас на полноќ ако му се јавите.

8. Готвење
Има ли нешто по романтично од машко кое ќе ве дочека со вкусно јадење? Просто не знаете дали вас ве маѓепсал со гестот или со миризбата од јадењето.

9. Има смисла за хумор
Кога ќе ве насмее до солзи и ќе ве расположи кога ви е најтешко вие ќе посакате секогаш да биде покрај вас.

10. Успешен е
Кога зборува на телефон звучи така паметно, способно, сигурен е во себе, едноставно неодолив. Делува дека може да ви ги реши сите проблеми, влева чувство на сигурност. На тоа не можете да останете имуни.

Прочитајте повеќе