Денес жените постигнаа многу повеќе од колку што нивните баби можеа да замислат. Жените се во политиката, во вселената и напредуваат на сите полиња. Тие се силни, независни и слободоумни. Но сепак секоја жена, колку и да е силна и самостојна посакува нејзиниот партнер да ја третира како жена и со некои ситни гестови да ја покажува неговата љубов кон неа. Еве неколку работи кои секој маж може да и ги овозможи на жената и да и го разубави животот.

Одговорете на нејзините пораки
Многу жени го поврзуваат ова со заинтересираноста на нивниот партнер за нив. Ако партнерот и се јави веднаш штом може или и пише порака тоа значи дека мисли на неа. Затоа колку и да сте зафатени, штом најдете малку слободно време јавете и се на кратко или пишете и кратка смс.

Бакнете ја без причина
Ваквите постапки жените ги обожаваат затоа што со тоа им кажувате дека не ви е само до секс. На жената некогаш и треба друг вид на врска - бакнежи и држење за рака и тоа без никаква причина. Едноставно направете го тоа и вашата партнерка ќе биде среќна со денови.

Танцувајте со неа
Иако многу жени имаат желба да танцуваат, повеќето мажи не сакаат воопшто да играат, а посебно не на јавни места. Но не мора ова да го правите пред други луѓе. Може додека сте сами во вашата дневна соба да пуштите убава музика и да ја поканите на еден танц.

Облекувајте се за неа
Жените многу ценат доколку нивниот партнер се облекува грижливо за излегување со неа. Со тоа и давате до знаење дека таа вреди за да се дотерате за неа. Затоа не е важен стилот на облека, доволно е само да и покажете дека специјално за неа се облекувате.

Запомнете одредени датуми
Правило е да ги запомните роденденот на вашата драга и годишнината на вашата врска. Но ако сакате навистина да ја импресионирате освен најважните датуми, запомнете и некој не толку важен. На пример првиот пат кога сте и рекле те сакам, првиот бакнеж, првиот заеднички одмор, што носела на вашата прва средба...

Поминете време со неа
Ова не значи време поминато во спалната соба. Најдете некои активности кои ќе ви бидат забавни и двајцата уживајте. Можете да играте тенис, да шетате, да одите во шопинг, да возите велосипед.

Предложете и посета на нејзиното семејство
Жените обожаваат кога нивните партнери се сложуваат со нејзините пријатели, а посебно со нејзиното семејство. Затоа колку и да не ви е непријатна посетата на нејзините, стиснете заби и направете го тоа. Не мора да биде често, но вие бидете иницијаторот.

Прочитајте повеќе