Ако често погрешно ги ставате клучевите или наочарите или на почетокот не можете да го запомните името на внучето, можеби треба почесто да се посветувате на дејството меѓу листовите.

Дали водењето љубов може да ја подобри вашата краткорочна меморија? Една нова студија покажа дека сексот кој вклучува емоционална интимност може да ја подобри вашата краткорочна меморија, иако без поголеми ефекти врз долгорочната меморија. Извештајот неодамна беше објавен во стручното издание Archives of Sexual Behavior.Тој се заснова на истражување со примерок од шест илјади луѓе над 50 години (со просечна возраст од 66 години) кои одговарале на прашања за нивните сексуални активности и ја тестирале нивната меморија.

„Оваа студија обезбеди докази дека сексуалната активност и емоционалната блискост за време на сексуалната активност ја подобруваат епизодната (краткорочна) меморија“, заклучуваат авторите. Но, се чини дека нема поврзаност помеѓу сексот и долгорочното спречување на когнитивниот пад со текот на времето.

Емоционалната блискост беше клучен фактор за подобрување на краткорочната меморија. „Интересно ново откритие е дека емоционалната блискост за време на сексуалната активност влијае на последователно подобрување на меморијата“, пишуваат авторите. Тие шпекулираат дека сексуалната активност со познат партнер резултира со намалување на нивото на стрес, а имајќи предвид дека високите нивоа на стрес влијаат на когнитивното опаѓање, можеби споменатото подобрување на меморијата е нејзина индиректна последица.

Прочитајте повеќе