Местото за свадба е важно затоа што многу често го дефинира целокупниот стил на настанот. Неколку совети ќе ви помогнат да изберете совршено место за свадбата.

По заветното „Да“, доаѓа планирањето на свадбата. Изборот на место за свадбената церемонија е една од најважните одлуки што идните младоженци треба да ја донесат. Местото на свадбата има влијание врз буџетот, украсите, логистиката, па дури и облеката што ќе ја носат гостите. Неколку совети ќе ви помогнат да изберете совршено место за вашата свадба.

Дали просторот добро одговара со темата на свадбата?

Сè повеќе невести бараат тематска свадба, што го прави изборот на локацијата уште поважен. Местото треба да биде во врска со темата на свадбата. Да речеме дека сакате летна свадба во поопуштен стил. Тогаш најсоодветно место за свадбата би бил ресторан во хотел на плажа. Ако имате јасна идеја за тоа која сакате да биде вашата тема на свадбата, може полесно можете да се насочите кон определени типови места.

Дали местото може да ги собере сите гости?

Свадбата е ваш ден, но вие треба да се грижите и за удобноста на вашите гости. Веројатно веќе имате идеја колку гости ќе присуствуваат на вашата свадба, па затоа треба и тоа да го земете предвид при изборот на местото. Обезбедете доволно простор за вашите гости да се чувствуваат добро.

Дали местото одговара на вашиот буџет?

Обично, местото на свадби зафаќа голем дел од буџетот. Секоја локација и секој ресторан има своја политика во врска со организирање на свадби. Ако сакате да изнајмите место што има ресторан, тогаш трошоците ви одат нагоре. Разгледајте го внимателно вашиот буџет и местото на свадбата, за да не треба да направите компромис за ништо друго во подготовките за големиот ден.

Дали е местото удобно за гостите?

Треба да размислите и за луѓето со кои ќе ја споделите вашата свадба. Местото на свадбата мора внимателно да се избере за да не се наруши движењето на гостите. Да не мора да патуваат долго за да стигнат до местото. Идеално, локацијата што ќе ја изберете е да вклучува и хотелски дел. Друга опција е да има хотели во близина. Некои младоженци покриваат дел од трошоците за спиење на своите гости.

Дали постои резервна опција при лошо време?

Ако сакате вашата свадба да биде на отворено, треба да проверите дали избраното место има план при лошо време. Дури и во летните денови, постои опасност од дожд, што не е едно од најпосакуваните сценарија за венчавки. Размислете внимателно пред да го изберете место за вашата свадба, така што ќе бидете доволно подготвени за какви било проблеми.

Прочитајте повеќе