Јас сум човек кој уживам во топлите температури, го обожавам мирисот на дожд,
па затоа одлучив да патувам во Париз. Знаев дека е идеална дестинација за
прославување на роденден, едноставно сакав да уживам во тие моменти.
Иако мислев дека ќе бидам сама и ќе посветам доволно време за себе,
едноставно тоа не заврши така. Иако делува клише, но тоа беше љубов на прв
поглед. Само што го погледнав знаев дека тоа е тој. Можеби ви изгледа
збунувачки, не реално, но тоа беше љубов на прв поглед.
Влажниот воздух на Париз не натера да останеме во неговиот апартман, каде што
бевме само ние двајца. Се прашував дали е возможно да сме толку слични, ми
делуваше како да се знаеме цел живот, можеби е тој човекот по кого мечтаев
целиот мој живот- мојата сродна душа. Таа вечер во нас растеше тензијата
помешана со страв, со страст, со љубов, неговата решителност, машкост
адреналинот кој растеше во нас направи да се чувствуваме како да сме на седмо
небо. Додека го слушавме дождот како паѓа, паѓаа и нашите бакнежи кој не
можевме да ги сопреме. Иако и двајцата бевме свесни за се што се случуваше
околу нас сепак решивме да се препуштиме на страстите.
Едноставно не сакав да заврши таа ноќ, каде што го чувствував неговиот парфем
помешан со мирисот на дожд кој што ме возбудуваа уште повеќе. Од секој негов
допир ме тераше да се ежам, да му се препуштам, да бидам негова. Во мене
беше стравот помешан си страст, со возбуда која ме правеше по кревка покрај
него.
Само сакав да го запрам времето и засекогаш да останам во неговата прегратка,
во која се чувствував заштитено, да го милувам неговото лице со бакнежи, да ги
гледам тие кафеави очи кој маѓепсуваат.
Знаев дека тоа е љубовта на мојот живот, знаев дека тоа не е грешка, знаев дека
моето срце чука за тој човек. Едноставно знам дека повеќе никогаш нема да го
имам тоа што го имавме таа ноќ.

Прочитајте повеќе