Рецептот можете да го модифицирате во однос на изборот на овошје, а овој десерт е многу удобен бидејќи можете да го направите однапред и да го чувате во замрзнувач. На тој начин секогаш ќе имате подготвено слатко уживање. Изненадете го вашето семејство и гостите со леден десерт кој особено ќе им се допадне на најмалите.

Состојки:

250 гр крем сирење

2 кесички шлаг (по 40 гр) + малку млеко

600 гр компот од цреша

300 гр мандарини (портокал)

250 гр конзервиран ананас

Подготовка:

Изматете го шлагот додека не се стегне и нежно измешајте со сирењето. Овошјето се додава постепено, исцедено, убаво мешајќи (може да додадете и малку сок од компотот, но не премногу, за да не биде премногу ретка масата). Овошната смеса ставете ја во мала тава на хартија за печење и оставете ја во замрзнувач преку ноќ додека не се стегне. Пред послужување оставете го да отстои пет минути, па исечете го на коцки. По желба украсете со парчиња овошје.

Прочитајте повеќе