Веројатно лежите навечер и си мислите сè што сте правеле тој ден и смислувате одговори кои во моментот на случување не сте можеле да се сетите.

Психолозите сметаат дека претераната самоанализа е епидемија која влијае на здравјето. Тоа значи постојано поклопување на минатото, сегашноста и иднината, а проблемите не се решаваат.

Кога очекувањата, кои во денешно време се сè поголеми и поголеми, нема да се остварат, ние не сме во ситуација тоа да го прифатиме. Тогаш премногу време и енергија трошиме размислувајќи каде сме погрешиле и зошто не сме среќни и задоволни со веќе добиеното.

Лесно е да се препознае човек кој премногу размислува. Тој „скока“ од тема на тема, често „копа“ по истите работи и воспоставува врска помеѓу различни негативни сеќавања кои не се меѓусебно поврзани.

Многу од луѓето својата самодоверба ја градат на мислењето на другите луѓе. Меѓутоа има начин овој магичен круг да се прекине.

Прво треба да сфатите дека претераното размислување не ви помага. Најдете нешто што ќе ви ги одвлечка мислите од негативното размислување. Намалете ги своите очекувања. Простете им на грешките на другите луѓе и продолжете понатаму. На тој начин ќе се ослободите од бесот и омразата која ја носите во себе иако за тоа не сте ни свесни. Водете грижа за своето здравје. Легнувајте порано, јадете здраво. Вашата грижа за вас ќе ви помогне да се чувствувате здраво, силно и способно да ги решите вашите проблеми.

Прочитајте повеќе