Никогаш нема да добиете втора шанса да оставите добар прв впечаток. Првото излегување е најважно од сите. Доколку и се допаднете на другата половина, не се исклучува можноста врската да започне уште на првиот состанок. 

Еве неколку совети од нас за тоа на кои работи треба да внимавате на првиот состанок.

Не гледајте во други женски/машки
Никој не поднесува кога е до вас, а вие да зјапате во други. Тоа укажува на вашата незаинтересираност за личноста. Дури и дискретните погледи коишто ги ”фрлате” по другите не се препорачани.

Малтретирање и наметнување
Не станува збор за физички пресметки. Обичното дофрлување, упаднувањето во разговорот или пак давањето на прекари, и те како знае да изнервира. Ова може да го правите со љубов, доколу успешно ја продлжите вашата приказна, но никако на првиот состанок.

Телефон
Не го користете премногу вашиот телефон. Не си дозволувајте луксуз да телефонирате, да пишувате пораки или пак да прегледувате што има најново на Фејсбук. Доколку ви се деси да ви заѕвони телефонот, културно извинете се. Така ќе оставите пријатен впечаток кај спротивната страна.

Разговор за бившите
Kолку ги имал/а? Зашто раскинавте? Што те нервираше кај неа/него најмногу? Овие и ред други прашања поврзани со бившите на спротивната страна се непријатни и досадни. Исто така не е убаво и да го започнете разговорот со “Додека бев со претходната девојка/претходниот дечко...”.

Лоши манири
Бон тонот на јадење и разговарање е на врвот секогаш. Особено ако тоа е личност којашто дотогаш сте ја виделе неколку пати во вашиот живот. Никој нема да сака да влезе во врска со личност од којашто ќе се срами и ќе се чувствува непријатно.

Пари, пари, пари
Оваа тема гледајте да ја одбегнете колку што е можно повеќе. Во споротивно спротивната страна може да донесе погрешни заклучоци за вас како личност, а воедно тоа може да значи и последно ваше видување. Не би сакале да се случи тоа нели? Затоа одбегнувајте да разговарате и пред се да се фалите на оваа тема.

Прочитајте повеќе