Понекогаш едноставно ќе „кликнете“ и ќе ви се случи љубовта, но понекогаш за љубовта треба трпение и енергија. Советите подоле ќе ви помогнат да го освоите момчето кое ви се допаѓа.

1. Станете пријатели
Многу пати сте слушнале совет дека треба да бидете во негова близина, но седењето во исто кафуле не е доволно. За некој да се заинтересира за вас треба и да ве запознае. Тешко дека ќе освоите некоја личност ако не сте пријатели.

2. Дружете се во групи
Немојте да форсирате само вие двајца да излегувате по кафулиња или само вие двајца да одите во прошетки, барем не на почетокот. Обидете се да го вклучите во вашето друштво, вие вклучете се во неговото и правете заеднички активности.

3. Дозволете да биде свој
Кога машките се дружат со вас, потрудете се да бидете добро друштво. Ако нема факултет, немојте да спомнувате факултет. Ако има, интересирајте се за тоа подрачје и поставувајте прашања. Ако нема работа, немојте да го прашувате од што живее или што работи по цели денови.

4. Истакнете ги сличностите
Немојте да му се спротивствувате на она што тој го зборува. Наместо тоа пробајте во секој разговор да најдете заеднички точки. Работи кои на двајцата ви се допаѓаат.

5. Тој нека ве „лови“ вас
Бидете во близина, но немојте да му се нудите отворено. Дајте му време сам да сфати колку сте супер личност.

6. Немојте да ги криете своите чувства
На суптилен начин покажете му дека ви е симпатичен.

7. Одљубете се
Најпрво треба да се одљубите од личноста со која не се гледате повеќе или пак во онаа позната личност во која сте биле заљубени одамна и дајте му прилика на момчето кое ви се допаѓа. Тешко дека можете да ја освоите личноста со која се гледате секои 2 години. Има многу „риби во морето“ и немојте да патите за некој кој нема време за вас или пак воопшто не ве ни познава.

8. Бидете интригантни
Еден ден облечете се конзервативно (фармерки, блуза без деколте...), а следниот ден облечете нешто секси (елегантно фустанче или пак блуза со деколте...). Машките се личности кои знаат да фантазираат кога се во прашање девојките. Таа промена на вас ќе го заинтригира.

9. Допири
Додека зборувате допрете го „случајно“, пред да се разделите приближете му се, гушнете го... Но немојте да го правите тоа како да допирате некое диво животно или жаба. Тој може да ја почувствува вашата нервоза и да помисли дека нешто не е во ред.

10. Немојте уште на почеток да се зближите премногу
Машките сакаат да ги „ловат“ девојките и секогаш ќе им бидат интересни оние кои треба да ги „ловат“. Тоа не значи дека треба да бидете ладни и да го игнорирате, туку да го држите во своја близина, да бидете мили, топли, привлечни, но нека има чувство дека тој ги иницира контактите, а не дека вие му ги нудите.

Прочитајте повеќе