Познато е дека во секоја љубовна врска може да дојде до превара. Кога веќе ќе дојде до тоа и кога личноста која го преварила партнерот ќе посака да се извини за стореното и ќе бара да и/му простат, настануваат проблеми. Еве листа со совети кои ќе ви помогнат отворено и без страв да пристапите и да му објасните на партнерот што точно се случило.

Бидете искрени
Важно е да бидете искрени. Никако не треба да го смалите значењето на преварата и кажете дека пола е вистина, а пола не. Таков пристап може само да го налути партнерот. Објаснете му дека знаете дека сте погрешиле и дека сакате да се извините.

Оставете му простор на партнерот
Откога ќе му кажете на партнерот дека сте го превариле треба да му оставите простор и мир. Да му оставите простор да се исплаче, да побесне или како веќе... да реагира на друг начин. Со тоа му давате време на партнерот смирено да размисли за сè.

Разберете го однесувањето на партнерот
Пробајте да сфатите дека партнерот можеби не е во можност да разговара со вас и прифати што сте направиле. Понекогаш потребно е на кратко да се разделите пред да се направи следниот чекор.

Немојте да криете ништо од партнерот
Пробајте ништо да не му таите на партнерот. Нека ве „чита“ како отворена книга. Потребно е време да се врати загубената доверба. Да криете работи од саканата личност може да резултира со апсолутно губење на довербата.

Ветете дека аферата е завршена
Ветете му на партнерот дека сте ја прекинале секоја врска со љубовникот/љубовницата. Ако е потребно, сменете ја работата, школото, телефонските броеви и сè друго што е неопходно како би се одалечиле од личноста со која сте го превариле партнерот.

Немојте да го терате партнерот да носи одлуки одма
Земете колку време и да треба за да ја вратите изгубената доверба. На вашиот партнер можеби ќе му треба многу време да се опорави од вашата превара. Доколку брзате со одлуките кои треба да ги донесе партнерот, ќе ја влошите и така веќе влошената ситуација. Побарајте од партнерот да ви ја прости преварата, но немојте да очекувате дека тоа одма ќе се случи.

Прочитајте повеќе