Ладнокрвното одбивање на дечкото кој најпрво ве забележал, а потоа собрал храброст да ви пријде, не е секогаш најдоброто решение. Некогаш вреди да се потрудите да го ублажите „ударот“.
Дрските, невоспитаните и простите машки треба да ги одбиете без размислување. Тие не се вредни за вас и на кој начин и да му дадете дознаење дека нема апсолутно никакви шанси кај вас, нема да погрешите.

Но, проблемот е во одбивањето на оние фините, пристојните, па дури понекогаш и слатките фраери со кои едноставно немате хемија и кои не ви будат желба за допири, бакнежи и галење.

Ви пришол во дискотека, ви бил интересен, слаткоречив и сте му дале шанса да ве покани на кафе, но без некакви изгледи дека тоа нешто може да отиде понатаму, тој сепак имал почитување кон вас. Истото го заслужува и дечкото со кој очигледно не сакате да имате нешто повеќе од само едно кафе.

Овие се неколкуте начини на кои се сложија машките дека не се толку болни како дрското одбивање или истурањето пијалок в лице.

Едноставно кажете: Не
Можеби звучи грубо, но не е до толку страшно. Подбро веднаш да му кажете дека не сте заинтересирани за него и дека нема шанси да биде нешто меѓу вас отколку да смислувате разни изговори. На тој начин барем ќе бидете искрени. Кога нешто не оди, не оди. Кажете го тоа јасно, без да пробате цела сторија да ја замотате во украсна хартија. Ќе се цени вашата искреност.

Објаснување + комплимент
Со ова не мислиме на оној најлош изговор: „Ти си супер, проблемот е во мене“. На тој изговор веќе со години никој не паѓа. На вас останува што ќе смислите да кажете, но ова нека не биде една од вашите реченици. Можете да му кажете што цените кај него, но објаснете му зашто не сакате да го продолжите разговорот.

Уверлива лага
Доколку првите две опции ви изгледаат премногу комплицирани, што и не би требало да ви претставува проблем, па сакате да се извлечете на поинаков начин, тогаш добро смислете што би вредело да се каже. Немојте да смислувате некои глупави приказни и изговори за мали деца. Ако сфатите дека меѓу вас ја нема онаа хемија што треба да ја има, кажете му кратко и јасно: „Извини, ама имам дечко. Не сум од тие типови што изневеруваат.“ Ќе ја цени вашата „искреност“.

Прочитајте повеќе