Во секоја врска постојат добри и лоши денови. Но ако со тек на време разликите помеѓу вас и вашиот партнер станат преголеми, може да ве доведат до прекин на врската. Еве 10 знаци кои упатуваат на тоа:

Контакт
На почетокот од врската постојано си праќавте пораки, се слушавте на телефон, фејсбук и не можевте да поминете ни саат време, а да не исконтактирате со својот партнер. Сега не сте расположени за пишување пораки, здодевно ви е да се јавувате по сто пати дури и ви пречи кога вашиот партнер се јавува само да ве слушне.

Разговори за иднината
Најнормално е кога сте во врска со некој да ја планирате иднината заедно, без разлика дали тоа се празниците што следат или имињата на вашите деца. Со ова си потврдувате дека сте двојка која засекогаш ќе остане заљубена и ќе остарите заедно. Ако ваквите разговори престанат и едноставно не ја замислувате вашата иднина заедно со партнерот може да доведе до конфликт и прекин на врската.

Идеи
Кога вашата врска е на почеток и двајцата постојано имате идеи како да го поминете заедничкото време - романтични прошетки, излет, вечери со свеќи, а сега не можете да смислите како да ја поминете вечерта. Некако најубаво ви е да останете дома, да гледате филм и што помалку да разговарате со партнерот.

Жестоки караници
Ако порано вашите караници биле ситни, глупави и детски, а сега се големи треба да се замислите каде оди вашата врска. Колку повеќе сте заедно толку подобро се познавате и ги знаете слабите страни на вашиот партнер, но не треба тие слабости да ги користите во караница за што повеќе да го повредите или навредите.

Лесно се нервирате
Порано секоја мала глупост на вашиот партнер ви била смешна, а сега и за најмалата и најситната грешка скокате и започнувате со расправија. Ова значи дека нештата може навистина да станат лоши ако продолжите со вакво однесување. Доколку не можете да се смените, ставете крај и тргнете се на страна.

Расправии
Не само што се расправате, туку тоа го правите и јавно и не ви е гајле дали некој ќе ве види или слушне. Ова значи дека вашата врска е надвор од контрола и сте изгубиле било каква почит кон својот партнер. Можеби уличниот агол ви се чини како добро место за прекинување на врската? Подобро направете го тоа на некое мирно место каде ќе можете да разговарате (а не да се карате).

Независниот
Порано сакавте секоја секунда да ја поминете со својот партнер, заедно под туш, на пауза за ручек, после работа, а сега сè што сакате е да излезете со своите другари и слободно да се забавувате. Дури не ви пречи подолго да останете на работа, само да не сте со својот партнер.

Имате тајни
Основа на секоја врска е искреноста. Ова значи без лаги, тајни и траги од минатото. Ако ова исчезне тогаш зошто да продолжите со врската? Ако немате доверба во партнерот за било што, тогаш не може да градите заедничка иднина.

Сменета перцепција
Се сеќавате како малото носе на вашиот партнер ви беше слатко? И чудното смеење ве развеселуваше? А сега тоа исто носе ви личи на свинско, а смеењето ве иритира и секој физички недостаток ви паѓа во очи. Ако не можете да ги прифатите физичките маани и изглед на вашиот партнер тогаш прекинете ја врската.

Се помалку секс
Сите знаеме колку е страстен сексот на почетокот од врската. Едноставно не можете да се заситите од партнерот, а потоа вашата желба за секс се намалува и доволно ви е да го правите тоа неколку пати месечно. Ова најчесто укажува на намалување на сексуалната привлечност меѓу партнерите, што значи врската е во тешка криза.

Прочитајте повеќе