Немора да значи дека овој тип на врска не може да функционира, но бидете спремни на тоа дека вашиот партнер нема секогаш да биде тука да де утеши, да ви помогне кога одите во шопинг или да ве прегрне кога ви е ладно. Како и секоја врска, така и онаа на далечина има добри и лоши моменти, но бидете реални и правилно согледајте ги предностите и недостатоците на таа врска.

Поставете основни правила
Врската да далечина бара посебни правила кои вие и вашиот партнер треба да ги поставите и да се придржувате за нив. Една од основните работи е да расчистите колку често ќе се гледате. Имајте на ум дека 70% од паровите кои немаат основни правила ја завршуваат врската во рок од 6 месеци.

Разговарајте
Покажете му на партнерот дека се грижите за него и тоа повторувајте му го што почесто. Разговарајте секој ден за тоа што ви се случило тој ден, тоа ќе ја одржи вашата блискост. Партнерите кои секогаш си пишуваат пораки за добра ноќ или добро утро имаат двојно повеќе шанси да „преживеат“, во споредба со оние кои скоро па никогаш не си пишуваат.

Уживајте во независноста
Во многу врски потполно му се предаваме на партнерот и набрзо нашето хоби, местата за излегување, пријателите... ги забораваме. Многу се губат во овие „заеднички“ работи – се лишуваат од индивидуалноста и го живеат животот на партнерот. Вашата најголема предносто во врските на далечина е, покрај тоа што сте ја нашле љубовта на својот живот, тоа што можете да уживате во сопствениот живот. Сепак, цел на секоја врска е компромис, а не само жртвување, нели?

Препуштете се на имагинацијата
Ништо не може да ја замени блискоста со партнерот, но секако можете себе си да си дозволите љубовни игри на малку поинаков начин. Секс преку телефон, користење интернет камера... Постојат многу можности, само треба да ја употребите фантазијата.

Не се откажувајте
Далечината е навистина тешка работа во една врска, но немојте да ги гледате само негативните работи затоа што тоа може да остави последици на врската. Посветете се на позитивните мисли и ценете го секој момент кој ќе го поминете со партнерот.

Прочитајте повеќе