Што се однесува до вашиот сексуален живот, можеби идеалниот случај би бил тој, во кој сте отворена, но не и докрај прочитана книга за партнерот. Така секој ќе знае што му се допаѓа на другиот и ќе се стреми да му достави максимално задоволство, како во исто време секогаш ќе има нешто, со кое да го изненадите и да ја распалите страста кај него.

Но, дали тоа важи и за секојдневните односи? Со насмевка, трепет и лека носталгија се сеќавате за вашите први средби, кога секоја е специјална и интересна, затоа што со секоја следна го запознавате човекот до вас и се вљубувате во него. Но колку повеќе се запознавате, толку пократки и поретки ви стануваат разговорите и имате чувство, дека веќе сте си кажале сè. И додека за едни тоа е доволно за да кажат дека врската им се истрошила, за други тоа е почетокот на нов период од нивните односи. Време е на база знаењата на еден за друг да се насочите кон заедничките интереси, занимања, хобиа или поточно кажано, да преминете во еден мпосакуван, но недостижен за мнозина момент, во кој љуовта на животот ви е вашиот најдобар пријател.

Спомнете си за милата глетка во паркот, како баба и дедо се шетаат за рака. Тие се како одамна прочитана книга еден за друг, но поценета книга од која и да е друга во прашливата библиотека.

Стравот дека страста ќе исчезне и веќе нема да претставувате интерес за партнерот, ги тера повеќето да не допуштаат партнерот да навлезе во нивниот внатрешен свет. Но, дали колку помалку знае за вас, толку позаинтригиран ќе биде од вас? Секој човек поседува неосознат стремеж да го запознае објектот на своите желби и да стане дел од неговиот живот, но кога тој се однесува затворено, недозволувајки никого до себе, порано или подоцна, таквата врска станува заморувачка и досадна.

Прочитајте повеќе