Не сите женски наивни да веруваат дека постои совршен маж. Но, пак веруваат дека таму некаде има некој кој ќе го сакаат и покрај неговите мали недостатоци и иако не е перфектен тој е идеалниот за нив. Сепак, настрана од овие романтични претстави, мора да признаат дека постојат неколку работи кои страшно многу ги привлекуваат и сакаат нивниот избраник да ги поседува. Видете кои се тие.

Да биде нивниот Супермен
Не, нема да му сошијат херојски костум! Само сакаат да се чувствуваат заштитени и да знаат дека имаат силен маж зад грб.

Да ги изненадува
И не, не е важно колку ќе чини изненадувањето! И едно чоколадо или цвет ќе ги направат среќни.

Да има добро срце
Девојките не сакаат машки кои се злобни кон луѓето и сурови кон животните. Не дека сакаат некој мекуш, туку едноставно човек способен на добрина и благодарност.

Да биде искрен
Добро де, може да излаже, ако фустанот не им стои добро или не му се допаѓа нивната нова фризура. Но за важните нешта треба да знае дека ја насетуваат лагата од километри. И неискреноста навистина ги навредува.

Понекогаш да готви
Не велиме дека треба да ја превземе работата во кујната, но, вистината е дека човек кој готви е страшно секси. А и ги тера да се чувствуваат навистина посебно.

Да се грижи за изгледот
Не треба да е прав убавец, едноставно да се облекува добро, да мириса пријатно и да одржува добра хигиена.

Да биде самостоен
Не треба да заработува милиони. Едноставно да не е навикнат да живее на грбот на некој друг. Важно е да има јасни цели и перспективи за животот.

Прочитајте повеќе