Некои од нас имаат среќа - успеале да го најдат правиот партнер или правата партнерка со кој/а сјајно се сложуваат и со кој/а се' (или скоро се') феноменално им функционира. Сепак тоа и не е толку често. Многу од луѓето и понатаму бараат наоколу личност со која ќе можат да живеат среќно до крајот на животот или барем нешто приближно на тоа. При тоа треба да имате на ум дека воопшто не е сигурно дека некогаш и некаде ќе ја сретнете личноста која совршено ви одговара, а времето поминува и ние не младееме туку старееме. Што да се направи? Како да се најде личноста со која, ако не совршено како во бајка, тогаш барем ни е онолку добро колку што сме замислувале и да можеме прилично добро и долго да живееме заедно?

Размислете за поранешните партнери. Можете и за личностите со кои сте сакале да бидете, но од некој причина тоа не се остварило. Земете лист хартија и пенкало и запишете ги особините кои најмногу ви се допаѓаат кај тие личности, особините кои најмногу ви значеле. Пробајте да бидете прецизни - да речеме немојте да ги ставате само „изглед“ туку ставете што вас конкретно во изгледот ви се допаѓа (убави раце, убаво тело, насмевка, очи...). Еднаш кога ќе го составите списокот (ако на нешто се сетите подоцна можете и да го дополните) за вас би требало да биде лесно, многу прецизно да видите што на вас кај таа личност ви е најважно, кои се тие квалитети без кои вие не можете. После тоа „впуштете се во потрага“ по личност со сите тие особини. Битно е во тоа да бидете реални и да не барате „совршенство“ - на крај на краиштата, дали вие сте апсолутно совршена личност?

На што под зборот „реалност“ мислиме?
Ако вас ви е битно вашиот партнер да е висок, згоден и шармантен, не очекувајте дека ќе зборува само за вас каде и да оди, дека нема да се врти по други згодни девојки (дечки) на улица и слично. Доколку секогаш е галантен и кавалер тешко дека има поголем фонд на заштедени пари. Ако вас ви е битно вашиот партнер да е суптилен и нежен, да не се плаши да ги покаже солзите, не очекувајте дека на паркингот ќе се обиде да ве брани.

Сакате друштвени девојки (дечки)?
Тие се супер, доколку од нив не очекувате да престанат да го пијат пивото заради вас, да одат со другарите на фудбал, со другарките во шопинг...

Сакате девојка (дечко) кој/а чезнее по брак и фамилија?
Епа тогаш немојте да се чудите ако има 3 брака позади себе.

Поентата е: бидете реални во своите очекувања, па многу веројатно ќе го најдете она што го барате. Можеби не во баш сосема совршена личност, но секако во некој кој ги има особините кои на вас ви се најбитни. Останатото? Тоа е помалку важно.

Прочитајте повеќе