На почеток на нова врска, поради силната привлечност меѓу вас двајца, многу е лесно да се предвидат знаците кои упатуваат на тоа дека таа може да ви го скрши срцето.

Еве десет знаци по кои ќе можете да приметите дали девојката е за вас или не...

10. Нема долгогодишни пријатели
Очигледно е дека таа девојка е друштвен тип, оди од една група другари во друга и стално наоѓа нови пријателства. Ви се чини возбудлива и интересна, зарем не?
Да, можеби на вас ви изгледа интересна, но нема да останете доволно долго со неа за тоа да можете да го откриете. Ако нема прави долгогодишни пријатели, оние кои ја знаат долго време, тоа значи две работи: или постојат важни причини зашто никој не останал со неа или едноставно константно бара промени. Ни едното ни другото не е основа за да започнете врска со неа, а доколку го направите тоа многу се мали шансите да останете со неа подолго време.

9. Нема искуство со врски
Ако барате стабилна врска и отидете на состанок со некоја која е нова во светот на состаноците не ви е баш најпаметна идеја. Можеби е помлада од вас или едноставно нема искуство, а тоа не е некое ветување и веројатно нема да бидете долго заедно. Тоа неискуство на почетокот може да ви биде слатко на вас, но со тек на време ќе стане иритирачко. За некој кој нема искуство со врските веројатно ни тој незнае што сака. И многу се големи шансите оваа личност да ви го скрши срцето.

8. И треба многу „простор“
Она е со слободен дух и не поднесува да биде „затворена“. Одма штом ќе излезете со ваква личност таа ќе ви даде дознаење дека и треба простор само за неа и за нејзините занимации. Таа одредува колку време ќе помине со вас. И ако се придржувате до нејзините желби, таа врска може и да успее.
Но немојте премногу да се залажувате затоа што таа врска скоро и да нема иднина. Само е прашање на време кога ќе дојде до тоа да се гледате еднаш неделно. А тоа дефинитивно е знак дека ќе патите.

7. Долго глуми недостижна
Ја „ловите“ со месеци, игра топло-ладно додека ја барате да излезете на состанок и праќате цвеќиња итн. Но, после сè таа прифати да биде во врска со вас, а вие помисливте дека конечно ја освоивте.
Погрешно! Долго вас ве влечела за нос, а тоа значи дека и не е баш заинтересирана. Нејзиното его пораснало, а она побарала малку флерт и забава во тоа што ви го правела. Штом нејзината самодоверба се врати, тоа значи дека за вас повеќе нема место.

6. Таа е сонувач
Некои луѓе никогаш не се задоволни со она што се. Додека на некој може да им биде интересно тоа што некој себеси си поставува високи цели и амбиции, тоа може да отиде према нереални очекувања.
Со ваква личност и немате баш големи шанси. Тоа за кое таа личност сонува може да биде пари, слава, нов живот, совршена врска или што и да е, а сè тоа упатува дека вас ќе ве остави штом има подобра прилика.

5. Незгодно и е поради вас
Првиот состанок и запознавање на родителите и семејството на девојката може да биде страшно искуство и може да се чини како избегнување на куршум. На крај на краиштата вие излегувате со неа, а не со нив.
Зашто е тогаш важно да се запознаете со нејзините? Сите сме поминале низ тоа, присетете се како ви било вас кога некоја бивша сте требале да ја запознаете со вашето друштво или пријателите и тоа како тие ќе реагираат. Епа тоа може да биде причина зашто таа не ве претставува пред луѓето кои и се важни. Поради нешто и е незгодно.

4. Нема значаен бивш дечко во нејзиниот живот
Да бидете во врска со девојка која немала подолга врска може да ви се чини идеално: не се плашите дека некого не преболела, ниту пак дека тој ќе се врати. Она за вас е „необработен примерок“ и вие можете да ја „обликувате“ во идеална девојка.
Но, девојка која пред вас имала врска од 3 недели веројатно заради вас тоа нема да го промени. Веројатно има добри причини зашто никогаш немала озбилна врска - не сакала. Немојте да очекувате дека на вас тоа ќе ви успее.

3. Има длабоко всадени проблеми
Секој има проблеми. Никој не е совршен и сите имаме пукнатини во својата личност на кои мораме да поработиме. Но, во животот сретнуваме луѓе кои се проблематични, кои имаат вистински проблеми, а не само пукнатини во својата личност.
Да бидете со некој кој има проблеми со алкохол, дрога, коцкање, сексуални проблеми и слично значи дека прифаќате да бидете на второ место во неговиот живот, а тоа нема да трае долго. Можеби нема да звучи племенито, но вие заслужувате подобро од тоа да сте со некоја таква личност и би требало на време да се тргнете од неа.

2. Во добри односи е со бившиот
Ако сретнете девојка која останала во добри односи со бившиот тоа на вас може да ви се причини како добро и позитивно. Можеби ќе ви се чини како личност која не се претвара во лошотија кога работите ќе тргнат наопаку.
Во реалноста тоа е знак дека таа личност ќе ви наштети. Тоа е девојка која набрзина од љубовник ќе ве претвори во пријател. Фактот што таа смета дека може да ги има сите машки покажува на тоа дека не е во состојба да изгради цврста и стабилна љубовна врска со вас.

1. Се смувала со вас, но имала дечко
Вие двајца сте се смувале додека таа била во врска со некој друг. Можеби ќе помислите: „ОК, тоа можеби и не е во ред, но од сега ќе постапувам правилно.“
Не. Во ваква врска неможе исправно да се постапува. Преварата секогаш ќе биде превара.
Секогаш кога она ќе сретне некој нов фраер на работа, во школо или било каде, за вас може да значи... знаете веќе што. А тогаш кога ќе почне да бара повеќе простор за себе, можете да се обложите дека наскоро ќе ве замени со некој друг. А ако тоа не го направи, кога ќе помислите дека било кога и било каде може да го направи тоа, ќе ви ја уништи врската.

Сите знаеме дека во врските не е онака како што ние сакаме, но ако меѓу овие десет знаци ја препознаете својата девојка, можеби е време да ја прекинете врскате пред да отиде предалеку. Во секој случај добро размислете.

Прочитајте повеќе