Доколку вие сте тој што ја прекинал врската, можно е партнерот да сака да ги расчисти работите по раскинувањето и затоа посегнува. Доколку партнерот ви раскинал, а тоа се случува кога веќе сте решиле да продолжите понатаму, голема е веројатноста целата ситуација да ве стресе.

Најверојатно се потсетува на врската и дека му недостигате. Исто така, можно е да му недостигате поради секс или поради чувство на осаменост, но многу е можно едноставно да сака да биде ваш пријател – изјавила психологот Саманта Родман.

Ако вашата врска завршила на грд начин, можно е вашиот поранешен партнер да се чувствува виновен за нешто што го направил и да се обидува да се поправи обидувајќи се да одржи нормален однос со вас. Друга многу можна опција е фактот дека вие и вашиот поранешен имате голем број заеднички познаници и пријатели, па тој сака да ја измазне врската за да не дојдете во непријатна ситуација ако некаде се сретнете.Доколку вие сте личноста која ја прекинала врската, можно е партнерот да сака да ги расчисти работите по раскинувањето и затоа ве контактира.

Сепак, земете во предвид дека на бившиот можеби му е здодевно и сака да го пополни времето со нешто и затоа ви се јавува. Експертите велат дека не треба премногу време да размислувате што сака бившиот од вас, туку треба да му пристапите и директно и јасно да му ја разјасните работата.

На крајот на краиштата, треба да знаете дека имате целосно право да ја игнорирате пораката на вашиот поранешен, особено ако понатамошниот контакт може да му наштети на вашето ментално здравје. Од друга страна, ако врската што сте ја имале била здрава и добра, тогаш одговорете на пораката и обидете се да ги расчистите работите на пријателски начин.

Прочитајте повеќе