Скоро секоја девојка на планетата во одреден период од нејзиниот живот се има интересирано за дечко кој е во врска. И без сомнение, секоја од нив се запрашала зашто се „залепила“ за зафатен дечко кога знае дека тоа е залудна фантазија.
Скоро сите девојки се „палат“ на шармот на некој зафатен дечко затоа што нашиот мозок е така програмиран, да го посакува она што е зафатено, она до кое е тешко да се дојде.

„Ловењето“ го подига нивото на допамин
Дали некогаш сте посакале некои штикли или чизми толку многу да веднаш отидете во друга продавница да видите дали ги има затоа што во таа во која што сте биле распродадени? Таа иста очајна желба се појавува кога посакувате дечко кој веќе има девојка. Штом нешто или некој е недостижен, желбата е уште поголема да се има тоа. Тоа е вели фрустрирачка атракција – штом е потешко нешто да постигнеме, повеќе копнееме за тоа. А пак помислата дека е забрането, уште повеќе го зголемува копнежот.

Еве како тоа делува. Секој пат кога ќе се јави желба, мозокот ослободува допамин кој ве поттикнува да ја остварите целта. Кога препреката (фактот дека има девојка) ќе ве спречи да дојдете до целта, мозокот ослободува уште повеќе допамин, што уште повеќе ве фокусира на „лов“.
За да ја скротите желбата потсетете се дека можеби ви се возбудливи провокациите на вашите чувства и дека тоа чувство веројатно ќе го снема штом ќе го освоите дечкото. Да е слободен можеби и нема толку да го посакувате.

Постои „побарувачка“ за него
Ако некоја друга девојка (посебно ако ја цените) е во врска со тој дечко, вашиот мозок одма го регистрира дечкото како „квалитетна роба“. Меѓутоа внимавајте: дечкото изгледа беспрекорно само затоа што не го познавате. Не знаете каков е зад затврени врати. Со други зборови: не сте во позиција да го трпите неговото подждригнување или лошото расположение.

Сигурен флерт
Понекогаш не сме спремни на озбилна врска, па дури ни на секс без обврски, а хормоните ни дивеат. Затоа повеќе сакаме да бидеме во допир со привлечни луѓе, да флертуваме и да се чувствуваме пожелни. Што е поубаво од флертот? Срцето побрзо ни чука, чувствуваме пеперутки во стомакот, воздудувањата растат. Олеснување е кога знаете дека нема да се впуштите во некој покомплициран однос, туку само ќе си поделите комплименти. Дури и ако дојде до интимен однос, дечкото сигурно нема да ја напушти својата сигурна девојка, а веројатно и вие тоа не го посакувате.

За да ја насочите вашата енерија на слободните момци, дефинирајте што ви е битно кај нив – да е верен, духовит, авантурист... Тоа ќе ве води према тоа што посакувате од едно машко. Тогаш ќе почнете да запознавате момци кои ги поседуваат тие особини и наскоро ќе имате дечко со кој навистина ќе уживате.

Прочитајте повеќе