Градот на операта и уметноста, тој е најпознат по својата мода. И денес, за време на пандемијата, Милано ги диктира модните трендови.

Милано е богата метропола која живее за мода и задоволство. Сепак, иако стилот е заштитен знак на овој град, во Милано може да се видат и врвни уметнички дела. За почеток, денот во Милано треба да започне со еспресо и пециво.

Првото место што сите го гледаат во Милано е Дуомо, каде се наоѓа добро познатата катедрала. Сепак, иако сите се сликаат на плоштадот пред катедралата и влегуваат (влезот е бесплатен), најубавото искуство се крие на покривот на Дуомо. До покривот се стигнува со лифт и од него се гледа центарот на Милано како на дланка, а ако е сончев ден погледот допира до Доломитите.

Само на покривот може да се види симболот на градот - златната Мадона, Мала Мадона, која се наоѓа на врвот на највисоката кула Милано не е евтин град, но не се наплаќа за прошетка низ Златниот Дистрикт, како и за прегледување на прозорците.

Прошетка низ Galleria Vittorio Emanuele не смее да се пропушти, а треба да го погледнете мозаичниот под и да го пронајдете бикот. Кој три пати ќе се заврти на петицата на местото каде што се наоѓале гениталиите на бикот, ќе има среќа во животот. Милано е дом на познатата „Тајната вечера“ на Да Винчи, но посетата на црквата Света Марија Милостива мора однапред да се закаже. Бројот на посетители отсекогаш бил ограничен.

Најдоброто место за вечерно излегување се двата канали во Навиље дизајнирани од Леонардо да Винчи. Таму има и ресторани, а милански специјалитети се особуко и рижото ала миланезе.

Прочитајте повеќе