Наместо да појадувате со чоколаден крем, паштета и слични намази, пробајте домашен кој не ви одзема повеќе од неколку минути. Колку и да е понекогаш тешко да се одолее на чоколаден намаз, сите знаеме дека треба затоа што целиот шеќер во него не е услуга за телото, без разлика дали се грижиме за линијата или не.

Наместо вакви намази, одберете домашна верзија од семки и бадеми, која ќе ве воодушеви со својот вкус.

Бадемите се познати по тоа што се богати со витамини А, Б1, Б2, Б3, Б5, Б6, Б9, Ц, Д, Е и К, а има и јаглехидрати, секакви масти, протеини, минерали... Научно е докажано корисно како превенција од кардиоваскуларни заболувања, за регулирање на гликозата во крвта, намалување на холестеролот, делува антиоксидативно... Има и ленено семе кое благотворно делува на варењето, здравјето на цревата, погодно е за одржување на здрава телесна тежина, а покрај сето тоа го регулира нивото на холестерол во крвта! Поради омега-3 масните киселини поволно делува на состојбата на крвните садови и спречува појава на кардиоваскуларни заболувања. Помага во детоксикација на телото, ја регулира желудочната киселина и ја подобрува состојбата на бактериската цревна флора, благотворно делува на косата и кожата, а го користат и жени кои имаат проблеми со фиброиди.

Една од клучните состојки е сусамот, кој го намалува холестеролот и крвниот притисок, го зголемува нивото на витаминот Е, го штити црниот дроб од оксидативно оштетување, ги ублажува грчевите при астма, делува противвоспалително...

На сето тоа додадете го медот, една од најздравите намирници на светот, а резултатот е домашен намаз за кој сите ќе го побараат рецептот!

Намаз од бадеми, лен и сусам

Состојки:

3 лажици мелени бадеми

2 лажици мелено ленено семе

1 лажица мелен сусам

1 лажица мед

половина лажичка цимет

топла вода по потреба

Подготовка

Измешајте ги семките, а потоа додадете мед и цимет и добро измешајте.

Постепено додавајте вода додека не добиете смеса што може да се намачка, но не и течна.

  Намачкајте на интегрален леб и уживајте во секој залак.

Прочитајте повеќе