Да беа добри, немаше да бидат бивши, е позната поговорка со која многумина од нас ќе се согласат. Меѓутоа, понекогаш се лизгаме во примамливиот свет на познатото, ја отстрануваме бравата од нашето срце и се впуштаме во авантура со бившиот…

Бившите би можеле да ги класифицираме во две категории: оние кои ги блокираме на социјалните мрежи и вртиме глава кога ќе ги сретнеме на улица и оние со кои одвреме-навреме разменуваме страсни пораки во раните утрински часови.

Врската со втората категорија на бивши е доста опасен терен во кој се поставува дискутабилно прашање:

Дали сексот со бившиот е добра идеја?

Пред да одлучиме да имаме секс со бившиот, треба да си поставиме неколку прашања.

Има ли надеж дека сексот ќе резултира со обновување на врската која одамна беше осудена на пропаст? Дали сме осамени и копнееме по физички допир? Дали се обидуваме да најдеме утеха во личноста која нè повредила? Без разлика која е нашата мотивација, треба да бидеме сигурни дека сексот со бившиот нема да биде мазохистички потфат, туку пријатна авантура која ќе ни ја зголеми самодовербата и ќе ни даде сексуално задоволство.

Ронда Ричардс Смит, психотерапевт и експерт за врски истакнува дека не треба да се осудуваме себеси доколку се појави желба за секс со поранешен партнер. Многумина од нас се приврзани за бившите, но треба да бидеме многу внимателни во таа врска.

Пред да се согласите повторно да го споделите вашето тело со таа личност, застанете и размислете за тоа. Врската заврши со причина, па зошто размислувате да се вратите на сексот? Сексот со бившиот е интересен и возбудлив, но имајте на ум дека понекогаш може да биде опасен, вели Смит.

Во таа ситуација најважно е и двајцата да имате исти цели. Има случаи, вели Смит, кога поранешните партнери споделувале фантазии за обновување на нивната врска и сексот бил најдобрата опција. Од друга страна, некои поединци со години останаа заглавени во личното верување дека на другиот му е гајле - кога во реалноста тоа не беше случај.

Зошто се враќаме кај бившите?

Секој од нас сака авантура на познато тло. Сексот со бившиот е докажана активност во која нема срамежливост и изненадувања. Голема утеха е кога се чувствуваме осамено, а знаеме и дека сексот ќе биде одличен бидејќи ги знаеме преференциите, телото и навиките на поранешниот партнер. Колку и да се интересни и возбудливи новите сексуални авантури, многу од нас повеќе ќе уживаат во докажаното задоволство што бившиот ќе го внесе во нашите животи.

Прочитајте повеќе