Ако сте срамежливи и незнаете за што треба да зборувате кога сте во друштво или на состанок со некоја личност и мислите дека нема што да направите по тоа прашање, тоа не е точно!
За да ја победите борбата со срамежливоста ќе ви треба многу време, труд и искуство, но на крај успехот ќе вреди за сиот вложен труд.

Има многу книги напишани за срамежливоста и би било добро да прочитате барем една од нив. Сепак, ние за вас одвоивме неколку совети.

Секое утро прво што треба да го направите е да застанете пред огледалото и неколку пати да повторите: „изгледам и се чувствувам одлично“. Повторете ги тие зборови онолку пати сè додека самите себеси не се уверите во нивната вистина. После тоа облечете се и спремете се најубаво што можете. Луѓето секогаш полесно комуницираат со другите ако сметаат дека изгледаат добро.

Барем еднаш дневно направете нешто ризично. Соочувањето со стравот ќе ви ја крене самодовербата. Кога ќе се научите да бидете имуни на малите стравови, тогаш ќе бидете спремни за големите работи. Не постои ништо што не можете да го направите. Само морате да знаете дека вас промените ви помагаат, а секое превземање на ризик ја крева самодовербата.

Ако учествувате во групни дебати би било добро да кажете на другите дека сте срамежливи. Тогаш тие ќе ве охрабрат да го кажете своето мислење и да учествувате во конверзацијата.

Одбивањето и несупехот се составен дел од животот и што побрзо го сфатите тоа, толку полесно ќе продолжите понатаму. Немојте да мислите дека само вас ве одбиваат или дека мора да успеете во сè што ќе пробате да направите. На пример доколку викнете некоја личност на состанок морате да знаете дека секој има различен вкус за она што го сака и не го сака на својот (иден) партнер. Исто е и кај вас, еден тип на луѓе ве привлекуваат, додека други ви се одбивни. Значи ако таа личност вас се одбие тоа не ја смалува вашата вредност, веројатно не сте тип каков што и треба на таа особа. Никогаш одбивањето немојте да го сфатите лично. Прифатете го и продолжете понатаму.

Вклучете се во активности кои ве прават среќни. Тоа може да биде било што, од јога, теретана, аеробик, па до фудбал, кошарка, одбојка... Истражувањето на нови работи е одличен лек за срамежливост.

Прочитајте повеќе