Сезоната за одмор е во полн ек, летувањето со деца може да е напорно, но многу е важно да биде сигурно.

Дали сте знаеле дека секој шести родител  го изгубил своето дете на одмор? Најчесто тоа трае четири минути за локацијата ако се базени, паркови, улици...Тоа се најдолгите четири минути во животот на родителот. Секако тоа може секому да се случи, и не сте лош родител доколку ви се случи тоа вас.

Во тој случај организацијата Missing Children Europe нуди 5 превентивни совети за да се намали веројатноста од губење на детето. 

Еве пет примери: 

1.  Комуникација

Задача на родителот е да создаде отворен однос со детето, кое треба да чувствува слободно за да може се да му каже на родителот. Важно е детето да му биде се јасно и да се чувствува сигурно и привлечно.

2. Објаснете му на детето што е во ред, а што не

Тука се мисли на конкретно учење на децата преку примери.Треба да научат дека на никого не му се должни, да не прифаќаат уцени и дека треба веднаш да ви се обратат ако во случај некоја личност од околината ги вознемирува.

3. Договори и правила 

Кога ќе дојдете на езеро, море или планина треба да му ја објасните околината на детето каде се наоѓа клупата или лежалката. Децата ги привлекува музика, море, балони и често трчаат веднаш таму. Договерете се со детето дека треба да ви се јавува кога ќе сака да отиде на друго место да си игра.

4. Основни информации

Научете го детето на основните информации - неговото име и презиме, адреса на живеење, град, број на телефон. Доколку е мало детето подобро на една алка на рачето да му се напише вашиот број на телефон. Научете го детето дека е добро да замоли други родители па да звонат на вашиот телефон напишан на алката.

5. Впечатливи бои на облека 

Флуоресцентен ранец или чевли, сандали со тропки кои даваат звук при секое чекорење, се некои од идеите како детето да ви биде воочливо кога ќе бидете во гужва и полесно да го држите за око.

Што да правите кога ќе ви се изгуби детето? Веднаш јавете се во локалната полициска станица.

Прочитајте повеќе