Уште една ноќ над градот мој... се спушти полека и незабележливо. Тивко го обвивка градот во ноќна темнина и го покани Месецот зедно со своите ѕвезди да седнат на престолот. Се наоколу е тивко, спие градот, сите тонат во слатки сништа... Ветерот нежно ми минува низ косата и ме потсетува не нечии драги допири. Снегот тивко паѓа во ноќва бела и се лепи врз мојата коса. Ме потсетува на нечии нежни бакнежи. Се наоколу е тивко. Чекорам сама по побелената улица, околу мене само тишината и мирисот на твојата кожа. Поминаа само неколку минути откако те нема, а веќе ужасно ми недостигаш. При самата помисла на тебе, на твоите бакнежи и прегратки низ мене поминува бран на љубов и топлина,на разочарување и тага и повторно надоаѓаат солзите во очиве. Не успевам да ги задржам и еве ги. Солза... една и уште многу капат по тебе. Се лизгаат по моево лице и се претвораат во мали кристали кои паѓаат на срцево и го замрзнуваат. Повеќе те нема тебе покрај мене, повеќе не постои ништо што нè врзува... ти сруши сè што имавме. Во неа побара она што не го најде во мене, во неа пронајде утеха, но никогаш нема да најдеш љубов. Замина од мене, ми го заврти грбот и ме остави. Не се ни заврти за да прашаш што јас чувствувам.
Се пластат снегулките полека, една по една... Паѓаат на земата и прават снежно бел килим. И солзиве мои се лизгаат полека, една по една... Паѓаат на срцево и прават огромна рана. Зеде дел од мене, сè што ти дадов и однесе неа. И мојата љубов и моите сништа и мојата младост. Гледам пред мене, сè е матно. Низ превез од солзи те гледам како стоиш пред мене, толку прекрасен. Со нежна, кафеава коса, со прекрасни сини очи, јасни како летно небо, како два бистри потоци... Гледам од нив капат две солзи, зарем се каеш? Ги бришам солзите од моиве очи и подавам рака да ги избришам и твоите, да ти кажам дека ти простувам сè, дека те сакам и дека сакам да си повторно покрај мене, но тогаш гледам дека пред мене нема никој. И повторно продолжувам сама по пустата улица. Околу мене само тишината и чувствотот на измама. А снегот сеуште паѓа, сеуште е ноќ над градот мој, сеуште е се така бело и тивко, сеуште сум сама...

Прочитајте повеќе