Те сакам. Толку многу те сакам. А никогаш не помислував дека можам толку многу да се заљубам во тебе. Не може да помине ни миг, а да не помислам на тебе. Веќе 2 години сум вљубен во тебе и не можам да те оттргнам од моите мисли. Оваа љубов што ја чувствувам е толку силна. Ниту времето ниту далечината не можат да ја избришат. Знам дека никогаш не ќе можам да те заборавам. Дали барем за миг помислуваш на мене? Дали можеби ти се допаѓам? Те прашувам дали воопшто некогаш и сум ти се допаѓал? А не би можел ни да помислам да сакаш друг. Знам дека јас и ти можевме да бидеме заедно. Но, нешто се испречи меѓу нас. Знам дека и ти не беше рамнодушна спрема мене. Дали сеуште го имаш тоа чувство?! Или времето си го направи своето и ме избриша од твоето срце? Знам дека помина многу време. Сé што сакам во моментов е да те видам. Да ги видам твоите очи што ме потсетуваат на две најсјајни ѕвезди. Да го слушнам твојот топол глас... Но тебе те нема. Времето како да те носи од мене. Од тебе ми останаа само спомените. Многу солзи потекоа од моиве очи, а остана голема празнина и во моево срце. Празнина која само ти можеш да ја пополниш. Колку и да се обидувам да те заборавам, залудно е! Можам да бидам среќен само со тебе. Со никоја друга. Но, ми останува само надежта дека еднаш ќе бидеш моја. Ќе те чекам, љубов моја!

Прочитајте повеќе