Лицето и вратот секогаш се во центар на внимание кај секоја жена.

Меѓутоа, на горниот дел од рацете, лактот,  ни текнува дури кога ќе дојде летото и кога ќе дојде време да облечеме маичка по кратки ракави, фустанчиња и блузи со гол грб.

Тогаш забрзано ги зајакнуваме вежбите за горен дел од телото, трицепсите, и се прашување како за толку брзо време се опуштиле, а толку споро им се враќа затегнатоста.

Еден од наједноставните начини да ги зачуваме и оддржуваме убавиот изглед на рацете до рамењата е секојдневната нега.

Еве како:

За почеток, подгответе во тоалетот тегличка или кутија со својата омилена крема или „путер“ за тело.

Ако користите млеко за тело може и тоа. Одберете дали ви е полесно и побрзо да исцедите малку млеко на раката или да земете малку средство за нега од тегличката.

Кога ќе завршите со утринското капење, а немате време да го мачкате целото тело со млеко, веднаш земете малку крема за тело и тријте ги мускулите, рамењата, лактите - од надворешна страна на рацете, а посебно со внатрешната страна на раката.

Кога ќе завршите со кремата, проверете дали кремата се впила во кожата. Ако не е, тогаш со мал пешкир тријте ги рацете за да не се пренеде маснотијата на облеката и можете да се облечете, нема да имате флеки. За време на викендот, додајте во кремата и ши путер и мачкајте се овие два  фантастични средства за нега. 

Веќе после две недели ќе приметите разлика.

А во топлите денови ќе шетате слободно со кратки ракави.

Прочитајте повеќе