Една од причините зошто го сакаме летото се сите оние свежи и вкусни овошја полни со сок и витамини, кои не оживуваат во вистинскиот момент. Иако претпочитаме да ги конзумираме како свежа ужина, не можеме а да не се навратиме на некои од одличните рецепти, кои ни носат целосен овошно-протеински оброк.

Праските, покрај нивниот сладок вкус и ниската калорична содржина, се богати со витамини А, Ц и Е, како и хранливи материи неопходни за здрава кожа и коса. Во комбинација со замрзната банана, овесна каша и чиа семе, тие прават совршено смути, кое може да се послужи како појадок.

Состојки:

2 праски

1 лажица чиа семе

80 гр овесна каша

1/2 замрзната банана

1/4 чаша свеж сок од портокал

1/2 чаша бадемово млеко (или по избор)

1 лажица агава или малку мед

Подготовка:

Состојките соединете ги во блендер и почекајте околу 10 минути да омекнат чиа семето и овесната каша. После тоа изматете ги состојките убаво да се соединат и воила – оброкот ви е готов!

Прочитајте повеќе