На првите состаноци сите сакаме да оставиме добар впечаток, па затоа многумина се занесуваат и претераат со тврдењата за себе и за својот живот...

Кога станува збор за првиот состанок, тој никогаш не открива доволно за личноста која ни се допаѓа. Згора на тоа, голема е веројатноста дека ќе слушнете и многу „бели лаги“!

Без разлика на полот, сите ние имаме големи очекувања кога првпат ќе запознаеме некого, па не е чудно што понекогаш, во желбата да се претставиме најдобро што е можно, се прикрадува некоја ситница која не е баш во доменот на вистината...

Финансиската состојба

Низ историјата, мажите често биле оценувани врз основа на нивната финансиска состојба - само да се потсетиме дека за „добра можност“ долго време се сметаше некој што не бил нежен, пријатен, внимателен, туку само богат. Затоа, не е чудно што мажите понекогаш знаат да се претстават како побогати отколку што се, но денес тоа не е исклучиво поврзано со полот, па девојките понекогаш знаат и да се обидат да остават впечаток дека се побогати.

Последното раскинување

На никој не му е удобно да слушне на првиот состанок дека личноста која им се допаѓа била во врска пред само пет дена, нели?

Животна ситуација

Многу луѓе не се воодушевени од тоа што живеат со своите родители или цимери, па затоа не е невообичаено некој да го прикрие овој детал на првиот состанок. Сепак, тоа е меѓу работите кои многу брзо се откриваат.

  Бизнис

Секоја работа што се работи напорно и одговорно е работа со која треба да се гордееме, но сведоци сме дека понекогаш сакајќи да се претставиме поквалитетно, знаеме да се пофалиме и да се претставиме како да работиме нешто многу поважно. , она што е највпечатливо е секако искреноста, па затоа треба да процениме колку личноста од другата страна на масата претерува.

Вистински намери

  Безброј пати се случило некој да се претстави како личност која сака стабилна врска, за да открие дека во тој момент од животот го интересира само секс. Доколку и вас ве интересира, најважно е да бидете искрени за вашите намери, но доколку планирате нешто посериозно, обрнете внимание на ситниците кои откриваат што се крие зад секој збор.

Прочитајте повеќе